మలేషియా తెలంగాణ అసోసియేషన్ దశాబ్ది వేడుకులకు హాజరయ్యేందుకే కేటీఆర్ ఫారిన్ వెళ్లినట్టు ఆయన సన్నిహితులు చెబుతున్నారు. మూడు, నాలుగు రోజుల పాటు ఆయన అక్కడే ఉంటారని సమాచారం. అక్కడి నుంచి తిరిగి నేరుగా హైదరాబాద్‌కు వస్తారా? లేదా మరేదైన దేశానికి వెళ్తారా? అనే కోణంలో నిఘా వర్గాలు ఆరా తీస్తున్నట్టు సమాచారం. మలేషియా టూర్ సడన్‌గా ఖరారైందా? ఎప్పుడు టికెట్లు బుక్ చేసుకున్నారు? ఆయన వెంట ఎవరెవరు వెళ్లారు? అనే కోణంలోనూ సమాచారం చేకరిస్తున్నట్టు తెలిసింది.

ఫార్ములా ఈ రేసింగ్‌లో జరిగిన నిధుల గోల్‌మాల్ వ్యవహారంపై విచారణకు ఏసీబీ కసరత్తు చేస్తుంది. హెచ్ఎండీఏ అకౌంట్ నుంచి ఫార్ములా ఈ-రేసింగ్ నిర్వహణ సంస్థకు వెళ్లిన నిధులు.. అక్కడి నుంచి ఎవరికి వెళ్లాయి? అనే కోణంలోనూ అధికారులు ఇన్ఫర్మేషన్ సేకరిస్తున్నట్టు తెలిసింది. ఫార్ములా ఈ-రేసింగ్ మొదటి సీజన్‌లో పార్టనర్‌గా ఉన్న గ్రీన్కో సంస్థ, రెండో సీజన్ వచ్చేసరికి ఎందుకు ఎంఓయూ రద్దు చేసుకున్నది? అనే కోణంలోనూ సంస్థ నిర్వహకుల నుంచి ఏసీబీ ఆఫీసర్లు సమాచారం సేకరించినట్టు తెలిసింది.

ఈ వ్యవహారంలో అప్పటి మున్సిపల్ శాఖ మంత్రిగా వ్యవహరించిన కేటీఆర్ ప్రమేయం ఏ మేరకు ఉన్నదనే కోణంలోనూ ఇప్పటికే పూర్తి ఆధారాలను సేకరించిందని, కేటీఆర్ హైదరాబాద్‌కు వచ్చిన వెంటనే నోటీసు ఇచ్చి, విచారించే అవకాశం ఉందని ఓ సీనియర్ ఐపీఎస్ అధికారి అభిప్రాయపడ్డారు.

సెక్రెటేరియట్ బిజినెస్ రూల్స్ ప్రకారం రూ.10 లక్షల కన్నా ఎక్కువ నిధులు ఖర్చు చేయాలంటే అందుకు కేబినెట్ ఆమోదం తప్పనిసరి.  కానీ కేటీఆర్ నోటి మాటగా ఆదేశాలు ఇవ్వగానే నాటి మున్సిపల్ సెక్రటరీ అర్వింద్ కుమార్ రూ.55 కోట్లు చెల్లించడం రూల్స్ విరుద్ధమని పేర్కొంటున్నారు.

Indiaherald ePaper 4th June 2024

Read More:https://t.co/phdPzMbtqj@ncbn @PawanKalyan @JaiTDP @JanaSenaParty #Electionsresults #andhrapradeshcm #andhrapolitics #andhrapardeshelection2024 pic.twitter.com/YrJ1ucCAgL

— India Herald Group (@realindiaherald) June 5, 2024