گوجرانوالہ: بہنوئی نے موٹر سائیکل پر جاتے ہوئے سالے پر چھریوں سے حملہ کر دیا

سسرال والوں نے جائیداد کا حصہ اور پیسے دینے سے انکار کیوں کیا، ملزم جلاد بن گیا، بہنوئی نے موٹر سائیکل پرجاتے ہوئے اچانک سالے پر چھریوں سے حملہ کر دیا۔

ملزم کے خوفناک طریقے سے چھریوں سے حملہ کرنے کی سی سی ٹی وی فوٹیج منظرعام پر آگئی۔ متاثرہ نوجوان کو تشویشناک حالت میں اسپتال منتقل کر دیا گیا۔

سیٹلائٹ ٹاؤن پولیس نے ملزم کے خلاف واقعے کا مقدمہ درج کر لیا، پولیس کا کہنا ہے کہ ملزم زاہد کو فوری گرفتار کر کے مزید تفتیش شروع کر دی گئی ہے۔

پولیس نے بتایا کہ متاثرہ نوجوان 6 بہنوں کا اکلوتا بھائی ہے، ملزم نوجوان کو قتل کر کے اکیلا جائیداد پرقبضہ کرنا چاہتا تھا۔