آزاد کشمیر کا مالی سال 2023-24 کا بجٹ آج قانون ساز اسمبلی میں پیش کیا جائے گا

آزاد کشمیر کا مالی سال دوہزارتيئس اورچوبيس کابجٹ آج قانون سازاسمبلی میں پیش کیا جائے گا، مالی سال کے بجٹ کا کل حجم 232 ارب روپے سے زائد ہوگا۔

مالی سال کا ترقیاتی بجٹ 42 ارب روپے مختص کرنے کی تجویز دی گئی ہے۔ غیرترقیاتی بجٹ کیلئے 190 ارب روپے مختص کرنے کی تجویز ہے۔ ترقیاتی بجٹ میں 30 ارب وفاقی حکومت جبکہ 12 ارب اپنے وسائل سے حاصل کیا جائے گا۔

گزشتہ سال کی نسبت مجموعی طور پر 69 ارب روپے کا اضافہ ہوا ہے۔ گزشتہ مالی سال کی نسبت ترقیاتی بجٹ میں 47 فیصد اضافہ کیا گیا ہےترقیاتی بجٹ کا سب سے زیادہ ساڑھے 14 ارب رسل و رسائل پر خرچ کیا جائے گا۔