رجیم چینج کے جھوٹے دعویداروں کا پروپیگنڈہ آج بے نقاب ہو گیا ہے، وزیراعظم شہباز شریف

وزیراعظم شہباز شریف کا ترقیاتی منصوبوں کے افتتاح کے موقع پرخطاب میں کہنا تھا کہ رجیم چینج کے جھوٹے دعویداروں کا پروپیگنڈہ آج بے نقاب ہو گیا ہے۔سازشی بیانیے اور لوگوں کو تقسیم کرنے سے ملک ترقی نہیں کر سکتا۔

وزیراعظم کا کہنا تھا کہ 9مئی کےواقعے نے پورے ملک کے عوام کو رنجیدہ کردیا، وطن سے محبت کرنے والا شہری 9مئی جیسے واقعات کا سوچ بھی نہیں سکتا، دہشت گردی کے خاتمے کے لیے شہدا نے جانوں کا نذرانہ پیش کیا، شہید کے نام سے منسوب کرنا قوم کو شہدا کی عظیم قربانیوں سے آگاہ کرنا ہے، شہداءاپنےبچوں کویتیم کرگئےلیکن لاکھوں بچوں کو یتیم ہونے سے بچایا۔

وزیراعظم کا مزید کہنا تھا کہ روس سے ایک لاکھ ٹن خام تیل کا معاہدہ ہوا ہے،41ہزارٹن خام تیل لیکرپہلا جہاز لنگرانداز ہوچکاہے، روس سے آنے والا تیل عالمی مارکیٹ میں 15 ڈالر فی بیرل سستا ہے۔

وزیراعظم شہبازشریف نے کہا حکومت نےعام آدمی کوبجٹ میں ریلیف دیاہے،سیاسی استحکام کے بغیر ملک میں معاشی استحکام ممکن نہیں، سازشی بیانیے اور لوگوں کو تقسیم کرنے سے ملک ترقی نہیں کرسکتا۔