وزیراعظم شہباز شریف دو روزہ سرکاری دورے پرآذربائیجان پہنچ گئے

وزیرِاعظم محمد شہبازشریف صدرالہام علیوف کی دعوت پردوروزہ سرکاری دورے پر آذربائیجان پہنچ گئے۔

یہ بھی پڑھیں :۔ وزیراعظم شہبازشریف14 سے15 جون کو آذربائیجان کا دورہ کریں گے

وزیراعظم آفس سے جاری بیان کے مطابق وزیرِ دفاع خواجہ آصف، وفاقی وزیرِ تجارت سید نوید قمر، وفاقی وزیرِ اطلاعات و نشریات مریم اورنگزیب، وزیرِ مملکت برائے پٹرولیم ڈاکٹر مصدق ملک اور معاونِ خصوصی طارق فاطمی وزیرِ اعظم کے ہمراہ ہیں۔

آذربائیجان میں وزیرِاعظم کی صدر الہام علیوف کے ساتھ ملاقات ہوگی، دونوں ممالک کے درمیان تجارت کے فروغ اورتوانائی کے شعبے میں تعاون کیلئے وزیرِاعظم سے آذربائیجان کے وزراء کے وفد کی ملاقات بھی ہو گی۔