خیبرپختونخوا: ڈاکٹروں کا تنخواہوں میں 50 فیصد اضافے کا مطالبہ،احتجاج کی تیاری

خیبرپختونخواکے مسیحاؤں کی جانب سے ایک بارپھراحتجاج کی تیاری کی جارہی ہے۔انہوں نے بجٹ میں تنخواہیں نہ بڑھانے اوراسپتالوں میں رشوت ستانی میں ملوث افراد کے خلاف کارروائی نہ کرنے پرسروسزسے بائیکاٹ کی دھمکی دیدی ہے۔

پشاور کے سرکاری ہسپتالوں کے مریضوں کی مشکلات بڑنے کا خدشہ پیدا ہوگیا ہے۔ ینگ ڈاکٹر ایسویشن نے حکومت سے تنخواہوں میں پچاس فیصد اضافے کا مطالبہ کر دیا۔

ینگ ڈاکٹرایسوسی ایشن نے مطالبہ پورا نہ ہونے کے صورت میں تمام سرکاری ہسپتالوں میں ہر قسم کے سروسز سے بائیکاٹ کی دھمکی دے ڈالی ہے۔

ڈاکٹروں کے مطابق سروسزبائیکاٹ کے بعد بھی مطالبات نہ مانے گئے تو صوبے بھرمیں شدید احتجاج کیا جائے گا ۔