بجلی کا شارٹ فال 6 ہزار 300 میگا واٹ تک پہنچ گیا

گرمی بڑھتے ہی ملک میں بجلی کی طلب میں بھی اضافہ ہوگیا۔ ملک بھر کے مختلف علاقوں میں 8 گھنٹے تک لوڈ شیڈنگ شروع ہوگئی۔

نیشنل پاور کنٹرول سینٹر کے مطابق ملک بھر میں اس وقت بجلی کا شارٹ فال 6 ہزار 300 اڑتالیس میگاواٹ ہے۔ مجموعی طور پر 20 ہزار 552 میگاواٹ پیداوار کی جارہی ہے۔

حکام کے مطابق ملک میں بجلی کی طلب 26 ہزار میگاواٹ ہے۔ پن بجلی ذرائع سے چار ہزار 234 میگاواٹ بجلی پیدا ہورہی ہے۔ سرکاری تھرمل پاور پلانٹس سے ایک ہزار 854 میگاواٹ جبکہ نجی شعبے کے بجلی گھروں کی پیداوار گیارہ ہزار 284 میگاواٹ ہے۔

اعداد وشمار کے مطابق علاوہ ایٹمی پاور پلانٹ سے دو ہزار 148 میگاواٹ جبکہ ونڈ پاور پلانٹس سے ایک ہزار 48 میگاواٹ بجلی پیدا کی جارہی ہے۔