پی ٹی آئی کے استعفوں کے معاملے پر سپیکرکوانٹراکورٹ اپیل دائرکرنے کا مشورہ

حکومت نے تحریک انصاف کے مستعفی ارکان اسمبلی کا ہرحربہ ناکام بنانے کی حکمت عملی تیار کرلی۔

قانونی ماہرین نے اسپیکر کو عدالتی فیصلے کے خلاف انٹراکورٹ اپیل دائر کرنے کا مشورہ دے دیا۔ اسمبلی کے قانونی ماہرین ہائیکورٹ کے بعد سپریم کورٹ سے رجوع کرنے کا آپشن استعمال کرنے کی بھی رائے دی ہے۔

عدالتی حکم پر ہررکن کو استعفوں کی تصدیق کے لیے طلب کرنے کا آپشن بھی موجود ہے۔ تحریک انصاف کے ارکان کو ایوان سے باہر رکھنے کے لیے تیرہ اگست تک وقت گزارنے کا پلان بھی موجود ہے۔

ان میں سے کون سا آپشن کب استعمال کرنا ہے اسپیکرراجہ پرویز اشرف سیاسی قیادت کی مشاورت سے فیصلہ کریں گے۔