پنجاب کا بجٹ تین سوچالیس ارب روپے مقررکرنے کی تجویز

پنجاب کا چارماہ کا ترقیاتی بجٹ تیارکرلیاگیاہے۔بجٹ کاحجم تین سوچالیس ارب روپے مقرر کرنے کی تجویزدی گئی ہے۔سالانہ ترقیاتی پروگرام میں کوئی نیا منصوبہ شامل نہ کرنے کا فیصلہ کیاگیاہے۔

پنجاب کی نگران حکومت نے پنجاب کاآئندہ 4 ماہ کیلئے ترقیاتی بجٹ تیارکیا گیا ہے ، جس کاحجم تین سوچالیس ارب روپے مقرر کرنے کی تجویز ہے جبکہ سالانہ ترقیاتی پروگرام میں کوئی نیا منصوبہ شامل نہ کرنے کا فیصلہ کیاگیاہے۔

باخبر ذرائع کے مطابق بجٹ میںاربن ڈویلپمنٹ، تعلیم، صحت کے شعبے کے جاری منصوبے ترجیح ہوں گے،لاہورمیں شاہدرہ پل،سمن آباد انڈر پاس اور راولپنڈی کچہری چوک منصوبے کیلئے فنڈز مختص ہوں گے، اورنشترملتان ٹو،شیخ زید اسپتالوں کیلئے بھی بجٹ ملے گا۔

ذرائع کے مطابق 125 ضلعی رابطہ سڑکوں کے لئے بھی فنڈز دینے کا فیصلہ کیا گیا ہے۔تعلیمی شعبے میں طلبہ کے سکالرشپس اورزیر تعمیرسکولوں کی عمارتیں ترجیح میں شامل ہیں۔

نگران وزیر اعلٰی محسن نقوی کو ترقیاتی بجٹ پراگلے ہفتے بریفنگ دی جائے گی۔