پاکستانی حجاجِ کرام کے لیے 24 گھنٹے ٹرانسپورٹ کی سہولت

حرم شریف آمد و رفت کے لیے حجاج کرام کو ایک سو نوے جدید ترین مسافر بسیں مہیا کردی گئی ہیں ۔

پاکستان حجاج کرام کے لیے حرم مکی ٹرانسپورٹ کی سہولت فراہم کردی گئی ہے ۔ وزرات مذہبی امور کے مطابق حرم شریف آمدو رفت کے لیے عازمین کرام کو فی الوقت جدید ترین مسافر بسیں مہیا کردی گئی ہیں ۔

ترجمان وزارت مذہبی امور کے مطابق عازمین کی تعداد مکمل ہونے کے بعد بسوں کی تعداد ایک سو ساٹھ تک پہنچ جائیگی ۔ عازمین کرام کو العزیزیہ اور بطحہ قریش کے علاقے میں ٹھہرایا گیا ہے ۔

مکہ مکرمہ میں عازمین کے لیے نو رہائشی یونٹ ہیں ۔ حرم کے اطراف میں اجیاد ، عزہ جرول ، کدی کے لیے بس سٹاپ ہیں۔ حرم کے داخلی راستوں پر 28 حرم گائیڈز تعینات ہیں ۔ نماز جمعہ کی ادائیگی کے وقت حج مشن کے دیگر شعبہ جات کے معاونین بھی حرم گائیڈ کی ڈیوٹی دیں گے ۔

ترجمان وزارت مذہبی امور سے معلوم ہوا ہے کہ اب تک سعودی عرب پہنچنے والے پاکستانی عازمین حج کی تعداد 50 ہزار 603 ہوچکی ہے، مذہبی امور مکہ میں عازمین حج کی تعداد 35 ہزار 693 ہے، ان میں نجی سکیم کے 4 ہزار عازمین بھی موجود ہیں جب کہ اس وقت مدینہ منورہ میں موجود سرکاری عازمین ج کی تعداد 14 ہزار 910 ہے ۔

دنیا بھر سے عازمین حج کی حرمین شریفین آمد کا سلسلہ جاری ہے، کئی ممالک سے آنے والے عازمین براہ راست مدینہ منورہ پہنچ رہے ہیں، اس حوالے سے سعودی عرب کی وزارت حج و عمر نے اعلان کیا ہے کہ اب تک 4 لاکھ 34 ہزار 980 ہزار عازمین حج مدینہ منورہ پہنچ چکے ہیں جہاں انہوں نے مسجد نبوی اسلام اور روضہ رسول اسلم پر حاضری دی،

حج آپریشن کی پہلی پرواز کے بعد سے اب تک مجموعی طور پر مدینہ منورہ کے پرنس محمد بن عبدالعزیزانٹر نیشنل ایئر پورٹ پر 2 لاکھ 71 ہزار 562 عازمین حج پہنچے، لینڈ امیگریشن سنٹر کے ذریعے 81 ہزار 194 عازمین حج سعودی عرب میں داخل ہوئے ۔ بتایا گیا ہے کہ کئی ممالک سے آنے والے عازمین مدینہ منورہ پہنچے ہیں، ان میں انڈونیشیا کے عازمین کی تعداد سب سے زیادہ تھی،

مدینہ منورہ پہنچنے کی والے انڈونیشیا سے تعلق رکھنے والے عازمین کی تعداد 89 ہزار 876 ہے، اس کے بعد بھارت سے آنے والے 4 ہزار 3 17 حجاج کرام شامل ہیں، جب کہ پاکستان سے اب تک 42 ہزار 838 عازمین حجاز مقدس پہنچے ، الجزائر کے 28 ہزار 738 اور ایران سے 26 ہزار 695 عازمین حج مدینہ منورہ پہنچ چکے ہیں ۔