رگبی چیمپئن شپ، یو اے ای ٹیم آئندہ ماہ پاکستان آئے گی
پاکستان کی رگبی یونین نے تصدیق کی کہ متحدہ عرب امارات (یو اے ای) کی رگبی ٹیم ایشیا رگبی چیمپئن شپ ڈویژن 1 کے دو میچوں میں حصہ لینے کے لیے اگلے ماہ پاکستان پہنچے گی۔
عرب میڈیا کے مطابق پاکستان اور متحدہ عرب امارات کے درمیان باقاعدگی سے ثقافتی، تعلیمی اور کاروباری تبادلے کے ساتھ ساتھ کھیلوں کی تقریبات بھی ہوتی ہیں، جو دونوں ممالک کے لوگوں کو ایک دوسرے کے بارے میں مزید جاننے اور دوطرفہ تعلقات کو مضبوط بنانے کا پلیٹ فارم فراہم کرتے ہیں۔
پاکستان رگبی کے سیکرٹری سلمان شیخ نے کہا کہ پاکستان کو اس سال ایشیا رگبی چیمپئن شپ ڈویژن 1، 2023 کے میزبانی کے حقوق مل گئے ہیں اور وہ بالترتیب 4 جولائی اور 8 جولائی کو لاہور میں متحدہ عرب امارات کی ٹیم کی میزبانی کرے گا۔
پاکستان رگبی یونین کے مطابق پاکستانی ٹیم اس وقت جنوبی افریقہ کے کوچ گیرٹ مولڈر کی رہنمائی میں ٹورنامنٹ کے لیے تربیت میں مصروف ہے۔ ملڈر نے مئی 2022 میں ایشیا رگبی ڈویژن 2 کے لیے پاکستانی ٹیم کی کوچنگ بھی کی، جس میں ’مین ان گرین‘ نے تھائی لینڈ کو شکست دی۔
انہوں نے کہا کہ متحدہ عرب امارات کے ساتھ دو میچوں کے مقام کا ابھی تک فیصلہ نہیں ہوا ہے لیکن وہ زیادہ تر لاہور کے پنجاب سٹیڈیم میں کھیلے جائیں گے۔
رگبی ایک قریبی رابطہ ٹیم کا کھیل ہے جس میں کھلاڑیوں کو گیند ہاتھوں میں لے کر دوڑنا پڑتا ہے۔ یہ کھیل 15 کھلاڑیوں کی دو ٹیموں کے درمیان کھیلا جاتا ہے۔ میدان کے دونوں سروں پر H کی شکل کی گول پوسٹس ہیں۔
پاکستان کی قومی رگبی ٹیم نے بین الاقوامی آغاز 2003ء میں سری لنکا کے خلاف میچ سے کیا تھا، جبکہ متحدہ عرب امارات، جو 1974 سے عربین گلف رگبی فٹ بال یونین کا حصہ تھا، 2012 میں ایشیا رگبی کا مکمل رکن بنا۔
