پی ٹی آئی امریکی کانگریس سے پاکستان مخالف بیانات دلوانے کی منتیں کرنے لگی

“ایبسلوٹلی ناٹ کا نعرہ ایبسلوٹلی یس “ میں بدل گیا ۔ تحریک انصاف ملک دشمن ایجنڈے پرچل نکلی ، ملک میں جلاؤ گھیراؤ کے بعد بیرون ملک بھی پاکستان کو نقصان پہنچانے کی سازشیں جاری ہیں ۔

تحریک انصاف امریکا کے رہنما عاطف خان نےآسٹن شہرمیں وفد کے ہمراہ کانگریس مین گریگ کیسر سے ملاقات کی، اور پاکستان مخالف بیانات دلوانے کی منتیں کیں۔پی ٹی آئی رہنما نے امریکا سے پاکستان میں مداخلت کی اپيل بھی کی اورپاکستان کی فوجی امداد انسانی حقوق سے مشروط کرنےکے لیے مدد مانگی ۔

یہ بھی پڑھیں:۔تحریک انصاف کا پاکستان کو بدنام کرنے کا ایک اور پروپیگنڈا بُری طرح ناکام

عاطف خان نے کہا کانگریس کے 86 ممبران نے پٹیشن پردستخط کردیے،چاہتے ہیں آپ بھی اس کا حصہ بنیں ۔ گریگ کیسرنے کہاکہ کانگریس میں سوال اٹھاؤں گا کہ امریکا کیسے پاکستان میں جمہوریت اورانسانی حقوق کی خلاف ورزیوں پرسوال اٹھا سکتا ہے۔

خیال رہے کہ گزشتہ دنوں پی ٹی آئی ایکٹیوسٹ بیرون ملک مقیم پاکستانیوں اورپاکستان میں مقیم امریکی شہریوں کے لئےغلط معلومات پھیلاتے ہوئے پکڑے گئے۔

بائیڈن انتظامیہ نے پاکستان کو بدنام کرنے کاپروپیگنڈا ناکام بنادیا۔ پاکستان کو واچ لسٹ میں ڈال کر جعلی ٹریول ایڈوائزری کی جھوٹی خبرمسترد کردی۔

ترجمان امریکہ محکمہ خارجہ نے واضح کیا تھا کہ امریکا اپنے شہریوںکیلئے ٹریول ایڈوائزری صرف آفیشل اسٹیٹ ڈپارٹمنٹ ویب سائٹ کے ذریعےجاری کرتا ہے۔