بھارت میں مسافر اور مال برادر ٹرینوں میں خوفناک تصادم، 300 افراد ہلاک،سیکڑوں زخمی

ریاست اوڈیسہ کے بالاسور ضلع میں مسافر ٹرین کے پٹڑی سے اترنے اور مال ٹرین سے ٹکرا جانے سے 300 افراد زندگی کی بازی ہار گئے جبکہ سیکڑوں افراد زخمی ہوگئے۔

بھارتی ریاست اوڈیسہ کے بالاسور ضلع میں مسافر ٹرین کے پٹڑی سے اترنے اور مال ٹرین سے ٹکرا جانے سے 900 افراد زندگی کی بازی ہار گئے جبکہ 900 افراد مختلف اسپتالوں میں زیرعلاج ہیں۔

بھارتی میڈیا کے مطابق حادثہ اڑیسہ کے ضلع بالاسور میں اس وقت پیش آیا جب شالیمار چنئی ایکسپریس کی 8 بوگیاں پٹری سے اترکر دوسرے ٹریک پر جاگریں، پیچھے سے آنے والی ایک اور ٹرین بھی ٹکرا گئی دوسرے ٹریک پر آنے والی مال گاڑی بھی ملبے سے ٹکرا گئی۔ لاشوں اور زخمیوں کو نکالنے کا سلسلہ جاری ہے۔

بھارتی وزیراعظم نریندر مودی نے ٹویٹ میں کہا کہ جائے وقوعہ پر امدادی کارروائیاں جاری ہیں اور متاثرہ افراد کو ہر ممکن مدد دی جا رہی ہے۔

مغربی بنگال کے چیف سیکرٹری ایچ کے دویدی نے نامہ نگاروں کو بتایا کہ یہ تصادم ایک سنگین حادثہ ہے۔

ساؤتھ ایسٹرن ریلوے کے عہدیداروں نے، جنہوں نے اپنا نام ظاہر نہیں کرنا چاہا، نے ہلاکتوں کی تعداد ظاہر کیے بغیر کہا کہ انہیں بھاری جانی نقصان کا خدشہ ہے۔

کولکتہ سے چنئی جانے والی کورومنڈیل ایکسپریس پٹری سے اتری اور مخالف ٹریک پر گر گئی، بہت سے لوگ اب بھی پھنسے ہوئے ہیں۔

ارچنا جوشی نے میڈیا کو بتایا کہ میں ابھی تفصیلات اور ہلاکتوں کے اعداد و شمار پر تبصرہ نہیں کر سکتا۔ میں دہلی میں تھی اور جائے حادثہ کی طرف تیزی سے جا رہی تھی۔بڑی تعداد میں زخمیوں کو ہسپتالوں میں منتقل کیا جا رہا ہے۔ کھڑگپور اور دیگر قریبی اسٹیشنوں سے ریلوے کی امدادی ٹیمیں پہلے ہی مقام پر پہنچ چکی ہیں۔