صدر پاکستان تحریک انصاف چوہدری پرویزالہیٰ کو آج عدالت میں پیش کیا جائے گا

پی ٹی آئی کے مرکزی صدر اور سابق وزیراعلیٰ پنجاب چوہدری پرویزالہیٰ کو آج ريجنل اينٹی کرپشن ہيڈکوارٹر سے لاکر عدالت میں پیش کیا جائے گا۔ پرويزالہیٰ کوآج سينئرسول جج کی عدالت ميں پیش کیا جائے گا۔

چوہدری پرويزالہیٰ کو گزشتہ رات اينٹی کرپشن کی ٹيم نے لاہور سے گرفتار کرکے گوجرانوالہ منتقل کيا تھا۔ پرویزالہیٰ کوگزشتہ رات لاہور سے گوجرانوالہ منتقل کیا گیا تھا۔

رہنما تحریک انصاف پر پرویزالہیٰ کے خلاف 27 اپریل کو مقدمہ قائم کیا گیا تھا، ان پر پرترقیاتی منصوبوں میں کک بیکس لینے کا الزام ہے۔

دوسری جانب پولیس نے پرویزالہٰی کے قریبی ساتھی خواجہ وقار اور پرویزالہٰی کے پرسنل سیکریٹری چوہدری اقبال کو بھی حراست میں لے لیا۔پولیس نے چوہدری اقبال کو سیشن کورٹ کمپلیکس سےحراست میں لیا۔

پرویزالہیٰ بری ہوتے ہی دوسرے مقدمے میں گرفتار

خیال رہے کہ پاکستان تحریک انصاف کے مرکزی صدر اور سابق وزیراعلیٰ پنجاب پرویز الہیٰ کو عدالت سے کرپشن کے مقدمے میں بری ہوتے ہی دوسرے مقدمے میں گرفتار کرلیا گیا۔

ترقیاتی منصوبوں میں کرپشن اور اختیارات کے ناجائز استعمال کے مقدمے میں عدالت کی جانب سے ڈسچارج ہونے کے بعد پولیس نے پرویزالہیٰ کو گوجرانوالہ میں درج مقدمے میں گرفتار کرلیا۔

اس سے قبل جوڈیشل مجسٹریٹ غلام مرتضیٰ ورک نے کرپشن اور اختیارات کے ناجائز استعمال سے متعلق کیس کا محفوظ فیصلہ سنادیا، فیصلے میں کہا گیا ہے کہ اگر پرویز الہیٰ کسی اور مقدمے میں مطلوب نہیں تو انہیں رہا کیا جائے۔

لاہور کے عدالت میں میڈیا سے گفتگو میں چوہدری پرویزالہیٰ کا کہنا تھا کہ میں بے گناہ ہوں، یہ برا کر رہے ہیں اور بُرا ہی بھگتیں گے۔ پی ٹی آئی کے کارکنوں کے لیے پیغام ہے کہ وہ تگڑے رہیں، انہوں نے گھبرانا نہیں ہے۔