بجٹ میں آئی ٹی کے فروغ کیلئے منصوبے شامل کیے جائیں، وزیراعظم کی ہدایت

وزیراعظم شہبازشریف نے آئندہ بجٹ میں پی ایس ڈی پی میں نوجوانوں کی ترقی کیلئے خصوصی رقم مختص کرنے کی ہدایت کردی۔

وزیراعظم کی زیرِ صدارت پبلک سیکٹر ڈویلپمنٹ پروگرام سے متعلق بجٹ تجاویز پر اجلاس ہوا۔دوران اجلاس شہبازشریف نے آئندہ بجٹ میں نوجوانوں کو اعلیٰ تعلیم، پیشہ ورانہ تربیت کے حوالے سے اقدامات شامل کیے جائیں، اور باوقارروزگار کے مواقع فراہم کرنے کیلئے اقدامات شامل کیے جائیں۔

شہبازشریف نے ہدایت کی ہے کہ بجٹ میں آئی ٹی کے فروغ کیلئے منصوبے شامل کیے جائیں، کسان پیکیج کے تحت شروع منصوبے جاری رکھے جائیں، بجٹ میں قابل تجدید توانائی کے منصوبے شامل کیے جائیں۔