پی ٹی آئی خواتین کیساتھ ناروا سلوک، سپریم کورٹ نوٹس لے، عمران خان

پاکستان تحریک انصاف کے چیئر مین اور سابق وزیراعظم عمران خان نے سپریم کورٹ پر زور دیتے ہوئے کہا ہے کہ وہ پی ٹی آئی کی خواتین حامیوں کے ساتھ ناروا سلوک کا ازخود نوٹس لے۔

اتوار کو ویڈیو لنک کے ذریعے حامیوں سے خطاب کرتے ہوئے انہوں نے کہا کہ افسوس ہے ایک ایسے ملک میں جہاں آبادی کا نصف حصہ خواتین پر مشتمل ہے۔ خواتین کے خلاف کریک ڈاؤن انہیں سیاست سے دور کرنے کے لیے تھا، آج کے برعکس ان کی حکومت کے دوران میڈیا ’آزاد‘ تھا۔

پی ٹی آئی کے چیئر مین کا کہنا تھا کہ موجودہ دور حکومت میں جمہوری اقدار کو پامال کیا جا رہا ہے۔ پی ٹی آئی چھوڑنے والوں کو ’نتائج‘ سے بچنے کے لیے پارٹی چھوڑنے کی دھمکیاں دی جا رہی ہیں۔

سابق وزیر اعظم نے ایک بار پھر سپریم کورٹ سے اپیل کی کہ وہ اپنے حامیوں کے خلاف انسانی حقوق کی سنگین خلاف ورزیوں کے خلاف کارروائی کرے۔

انہوں نے اپنی تشویش کا اظہار کرتے ہوئے کہا کہ ایسا لگتا ہے جیسے اعلیٰ عدلیہ اپنا اختیار طاقتوروں کے حوالے کر رہی ہے، کیونکہ عدلیہ ان لوگوں کے بنیادی حقوق کے تحفظ میں اپنے فرض میں ناکام نظر آتی ہے جنہیں روز بروز خلاف ورزیوں کا سامنا ہے۔

عمران خان نے سپریم کورٹ پر زور دیا کہ وہ پی ٹی آئی کی خواتین حامیوں کے ساتھ ناروا سلوک کا ازخود نوٹس لے۔

سابق وزیراعظم نے دعویٰ کیا کہ اسے مختلف جیلوں میں جنسی زیادتی کے واقعات کی اطلاعات موصول ہوئی ہیں۔

انہوں نے سپریم کورٹ سے 9 مئی کے واقعات اور جاں بحق ہونے والے افراد کی تحقیقات کرنے پر بھی زور دیا۔

حکومت کے نام ایک پیغام میں پی ٹی آئی چیئرمین نے کہا کہ حکومت کو وقت دینا چاہیے کہ وہ اپنی پارٹی کے ارکان کو توڑنے سے کب آزاد ہو گی۔ حکومت انتخابات کی تاریخ کا اعلان کرے کیونکہ ملک ڈوب رہا تھا۔

انہوں نے کہا کہ آج ملک میں ہر اس اصول کی خلاف ورزی کی جا رہی ہے جس کے لیے یہ ملک بنایا گیا تھا۔ اس وقت ملک میں بد ترین غلامی ہو رہی ہے، ملک میں آزادی نام کی کوئی چیز نہیں ہے کیونکہ کوئی حقوق نہیں ہیں۔ رات کو کسی کے گھر میں پولیس گھستی ہے اور صبح گھر توڑ دیتی ہے، اس شخص کا قصور صرف یہ ہے کہ اس کا تعلق پی ٹی آئی سے ہے، اس کے گھر والوں اور رشتے داروں کو بھی تنگ کیا جاتا ہے۔

عمران خان نے کہا ہے کہ آج ملک میں بنیادی حقوق ختم ہوگئے ہیں۔ اس وقت ملک میں جس طرح کیا جا رہا ہے، یہ تو ہم سنتےتھے کہ ہٹلر کے جرمنی میں ایسا ہوتا تھا۔ آج جو کچھ ہو رہا ہے، میں نے یہ ساری چیزیں کبھی نہیں سنیں، جس طرح میرے گھر پر ریڈ کیا گیا، میری بیوی اکیلی بیٹھی ہے، 40 پولیس والے گھس گئے، توڑ پھوڑ کر، گھر لوٹ کر لے گئے، نوکروں کو مارا، کس قانون کے تحت یہ سب کیا گیا، یہاں تو جنگل کا قانون نافذ ہوگیا، تمام حقوق ختم ہوگئے۔

ٹویٹ

اس سے قبل سابق وزیراعظم نے کہا ہے کہ قوم کا مطالبہ ہے کہ صحافیوں سمیع ابراہیم اور عمران ریاض خان کے ٹھکانے کا بتایا جائے۔ صحافی برادری یہ مطالبہ کرنے میں اس قدر مضطرب اور خوفزدہ کیوں ہے کہ دونوں کو 48 گھنٹوں کے اندر عدالت میں پیش کیا جائے، یہ ان کا بنیادی حق ہے۔

ان کا کہنا تھا کہ ورنہ پھر اسے اغوا ہی کہا جائے، دہشت گردی کے یہ ہتھکنڈے صرف میڈیا کو دبانے کی کوشش ہیں، تاکہ سب سے بڑی سیاسی جماعت کے خلاف اس بے مثال فاشسٹ کریک ڈاؤن کو کسی بھی میڈیا کوریج سے دور رکھا جائے۔

** بنیادی حقوق کا تحفظ کرنے والا کوئی نہیں**

عمران خان نے کہا ہے کہ ہمارے بنیادی حقوق کا تحفظ کرنے والا کوئی نہیں ہے۔ رات کو عمر ایوب اور شہزاد اکبر کے گھروں پر چھاپے مارے گئے۔ آج ہم تاریک دور میں جی رہے ہیں، آئین کی خلاف ورزی کی گئی، عدالتی فیصلوں کی کھلم کھلا دھجیاں اڑائی گئیں، بغیر وارنٹ کے گھروں کو توڑا گیا اور توڑ پھوڑ کی گئی اور میڈیا کا منہ چڑا گیا۔

رانا ثناء اللہ کی پریس کانفرنس پر رد عمل

ایک اور ٹویٹ میں انہوں نے وزیرداخلہ کی پریس کانفرنس پر ردعمل دیتے ہوئے کہا ہے کہ اگر جیلوں میں خواتین کے ساتھ بدسلوکی کے بارے میں کوئی شک رہ گیا تھا تو اس سند یافتہ مجرم کی پریس کانفرنس نے ایسے تمام شکوک و شبہات دور کر دیے۔ رانا ثنا اللہ واضح طور پر میڈیا میں سامنے آنے والی خوفناک کہانیوں کو روکنے اور چھپانے کی کوشش کر رہے ہیں۔ پرامن احتجاج کرنے والی خواتین کے ساتھ کبھی بھی ریاست کی جانب سے اتنا برا سلوک اور انہیں ہراساں نہیں کیا گیا جتنا اس فاشسٹ حکومت نے کیا ہے۔