کورونا:چوبیس گھنٹوں میں18 نئے کیس رپورٹ،7 مریضوں کی حالت تشویشناک

کورونا وائرس کےواراب بھی جاری ہیں ، اورگزشتہ 24 گھنٹوں کے دوران ملک بھرمیں 18 نئے کیس رپورٹ ہوئے ہیں، جبکہ 7 نئے مریضوں کی حالت تشویش ناک ہے۔

قومی ادارہ صحت(این آئی ایچ) کے جاری اعدادوشمار کے مطابق ملک بھرمیں گزشتہ 24 گھنٹوں کے دوران کورونا وائرس کے 2ہزار304 ٹیسٹ کیے گئے جن میں سے18افراد کے ٹیسٹ مثبت آئے اس طرح مثبت کیسز کی شرح0.78فیصد رہی اور اس دوران کورونا وائرس سے کوئی مریض جاں بحق نہیں ہوا جبکہ7مریضوں کی حالت تشویشناک ہے ۔

اعدادو شمار کے مطابق گزشتہ24 گھنٹوں کے دوران لاہور میں کئےگئے263ٹیسٹوں میں سے4 افراد کے ٹیسٹ مثبت آئے اور وہاں پرمثبت کیسزکی شرح 1.52فیصد رہی ۔

اسی طرح راولپنڈی میں 112ٹیسٹ کئے گئے جن میں سے ایک مریض کا ٹیسٹ مثبت آیا اوروہاں پرشرح0.89فیصد رہی جبکہ گلگت میں 198 ٹیسٹوں میں سے3 مریضوں کے ٹیسٹ مثبت آئے اوروہاں پرمثبت کیسوں کی شرح 1.52فیصد ریکارڈ کی گئی ۔