چیف جسٹس صاحب! آپ ملکی سلامتی کیلئے خطرہ بن چکے، مریم نواز

پاکستان مسلم لیگ ن کی سینئر نائب صدر اور مرکزی چیف آرگنائزر مریم نواز نے کہا ہے کہ چیف جسٹس صاحب! آپ اب عدلیہ ہی نہیں، آئین و قانون نظام انصاف اور ملکی سلامتی کے لئے خطرہ بن چکے ہیں۔

سماجی رابطے کی ویب سائٹ ٹویٹر پر اپنے ایک بیان میں مسلم لیگ ن کی سینئر نائب صدر نے لکھا کہ چیف جسٹس ہونے کا مطلب ریاست کو اس شخص کی غلامی میں دینا نہیں جس نے اپنے پالتو غنڈوں کے ذریعے قومی وقار اور ملکی دفاع کی ہر علامت کو جلا کر راکھ کردیا۔

یہ بھی پڑھیں، چیف جسٹس منصب چھوڑ کر تحریک میں شمولیت اختیار کریں، مریم نواز

عمران خان پر تنقید کرتے ہوئے انہوں نے کہا کہ ایسے شخص کو کسی بھی مقدمے میں گرفتاری سے روکنا، اسے شاہی مہمان بنا کر رکھنا، اس کے نخرے اٹھانا ہر پاکستانی کے علاوہ ان شہیدوں اور غازیوں کی توہین ہے جن کی ہر نشانی پر حملہ کیا گیا۔

مریم نواز نے کہا کہ چیف جسٹس صاحب! آپ اب عدلیہ ہی نہیں، آئین و قانون نظام انصاف اور ملکی سلامتی کے لئے خطرہ بن چکے ہیں۔ ملکی تقدیر سے کھیلنے والے ایک دہشتگر کے سہولت کار بننے کے بعد آپ اپنا وقار کھو چکے ہیں- آپ اپنی کرسی کو عمران کی سیاست کے لیے استعمال کر رہے ہیں تو اب سیاسی رد عمل کے لئے تیار رہیں۔

چیف آرگنائزر کا کہنا تھا کہ فتنہ گرفتاری کے ڈر سے عدالت میں چھپا بیٹھا ہے۔ اگر عدالت سے گرفتار کرنا غلط ہے تو کیا ایک مجرم کو عدالت کو اپنی پناہ گاہ بنانے کی اجازت دینا بھی کوئی نیا قانون ہے؟ اس دہرے معیار پر شرم آتی ہے۔

دوسری طرف لندن میں میڈیا سے گفتگو کرتے ہوئے سابق وزیراعظم میاں نواز شریف نے کہا کہ عمران خان کو سپریم کورٹ میں دیکھ کر چیف جسٹس نے کہا کہ آپ کو دیکھ کر بہت خوشی ہوئی، یہ بھی کہہ دیتے کہ آپ قوم کا ساٹھ ارب روپے لوٹ کر آئے ہیں، اس پر بہت خوش ہوئی۔

صحافیوں کی طرف سے سوال پوچھا گیا کہ میاں صاحب آپ کو کبھی سپریم کورٹ میں گڈ لک کہا گیا تھا۔

اس پر جواب دیتے ہوئے سابق وزیراعظم نے کہا کہ گڈ لک وِد یور 60 بلین روپیز