حالات کاتقاضہ ہواتوملک میں ایمرجنسی لگائی جاسکتی ہے،خواجہ آصف
وفاقی وزیر دفاع خواجہ آصف نے عمران خان کی رہائی کے بعد بیان میں کہ اہے کہ انہیں مبارکباددیتاہوں 2راتوں میں انہیں ٹانگ کی شفاء مل گئی۔
میڈیا سے گفتگو کرتے ہوئے انہوں نے کہا کہ نوازشریف اوردیگرکارکن کیوں عدلیہ کےحسن سلوک سےمحروم رہے؟ کیا حسن سلوک صرف عمران خان کےلیےمخصوص ہے؟ عدالتیں حکم دیتی ہیں،خواہشات کااظہارنہیں کرتیں۔
وزیردفاع نے کہا کہ حالات کاتقاضہ ہواتوملک میں ایمرجنسی لگائی جاسکتی ہے۔ ملک میں مارشل لاء کاکوئی امکان نہیں۔
وزیردفاع کا کہنا تھا کہ عدالتوں کی بڑی عزت اوراحترام کرتاہوں،ان حکم کامنتظرتھا، عدالتوں نےحکم کےبجائےخواہشات کا اظہارکیا۔ سوموٹونوٹسز،راتوں کوعدالتیں،تشویش قانون پامال ،عمران خان کی خواہشات پرقانون اورآئین پامال ہوا۔ شہبازشریف آشیانہ کیس میں عدالت گئے،صاف پانی کیس میں پکڑلیا ۔ نیب قوانین میں ترامیم کاپہلابینیفشری عمران خان بنا۔ وزیردفاع خواجہ آصف کا مزید کہناتھا کہ اب توریسٹ ہاؤس میں سہولیات کابھی پوچھاجارہاہے۔ ملک میں2معیارکیوں ہیں؟
ان کا کہنا تھا کہ وہ کہتےہیں مجھےڈنڈےمارےگئے،اسکےبعدکچھ یادنہیں، جب چاہایادداشت غائب ہوگئی،جب چاہاواپس آگئی۔ پولیس تحویل اوران کےخیراتی اسپتال کےمیڈیکل میں زمین آسمان کافرق ہے۔ قوم کوکب تک بےوقوف بنایاجاتارہےگا۔
انہوں نے کہا کہ 4، 5سوقدم فاصلہ طےکرچلتےہوئےوہ کوریڈورمیں گئے ۔ چلنےسےیہ ظاہر نہیں ہورہاتھاکہ ان کی ٹانگ میں تکلیف ہے۔ عمران نےگرفتاری سے پہلے ویڈیو پیغام میں ورکرز کو کیا تلقین کی تھی؟ کیا عمران نے کارکنوں کو تشدد کے لیے نہیں اکسایا؟
وفاقی وزیر نے کہا کہ عدالتوں کوشہداء کی یادگارپرحملوں کاسوموٹولیناچاہیےتھا، کورکمانڈرلاہورکےگھرپرحملوں کا سوموٹو تو نہیں لیا گیا۔ نوازشریف،آصف زرداری،فریال،مریم کسی ریسٹ ہاؤس میں نہ رہے۔ یہاں عدالت عظمیٰ نےسہولیات کی فراہمی کویقینی بنایاہے ۔ باقاعدہ حکم میں عمران خان کوسہولیات دینےکالکھ دیاگیاہے ۔
انہوں نے کہا کہ ملک میں یہ دہرامعیارکیوں ہے؟ جلاؤ،گھیراؤ،ان کےلیڈران کی استعمال کردہ زبان سب نےدیکھاان کےلیڈراورسابق وزراکیاکہہ رہے ہیں ۔ خواجہ آصف کا مزید کہنا تھا کہ کیایہ حملےملکی سالمیت پرحملہ اورملک دشمنی نہیں؟ عدلیہ خواہش کےبجائے“ریکوئیسٹ“کہہ دیتی۔
