عمران خان کی گرفتاری کے بعد امریکا، برطانیہ،کینیڈا، یورپی یونین نے ٹریول ایڈوائزی جاری کردی

پاکستان تحریک انصاف کے چیئرمین عمران خان کی گرفتاری کے بعد امریکا، برطانیہ، کینیڈا، یورپی یونین نے ٹریول ایڈوائزی جاری کردی۔

امریکی وزیرخارجہ انٹونی بلنکن اوربرطانوی وزیرخارجہ جیمز کلیورلی نےکہا ہےکہ پاکستان میں جو کچھ ہو۔وہ قانون کی حکمرانی اور آئین کے مطابق ہو۔ پاکستان میں پُرامن جمہوریت دیکھنا چاہتے ہیں۔

یورپی یونین نے کشیدہ صورتحال میں تحمل کا مظاہرہ کرنےکی اپیل کرتے ہوئےکہا کہ درپیش مسائل کا حل خود پاکستانیوں کو نکالنا ہے۔قانون کی حکمرانی سے مسائل کا حل ممکن ہے۔

ٹریول ایڈوائزی میں کہا گیا ہے کہ شہری آزاد کشمیر، بلوچستان، کے پی میں غیرضروری سفر سے گریز کریں۔

کینیڈین ہائی کمیشن کا کہنا ہے کہ دہشت گردی، بدامنی اور اغوا کا خطرہ ہے، مغربی طرز کے ریستورانوں اور شاپنگ سینٹرز میں محتاط رہیں۔

عمران خان کی گرفتاری پر امریکا کا اہم ردعمل آگیا

کینیڈین ہائی کمیشن کی ٹریول ایڈوائزری میں کہا گیا ہے کہ اسلام آباد، راولپنڈی، لاہور اور کراچی میں سیکیورٹی فورسز ہائی الرٹ پر ہیں، شہری ان علاقوں میں جانے سے گریز کریں جہاں مظاہرے ہورہے ہوں۔

واضح رہے کہ گزشتہ روز نیب نے سابق وزیراعظم عمران خان کو اسلام آباد ہائیکورٹ سے گرفتار کیا تھا۔