پنجاب بھر کے تعلیمی ادارے مزید 2 روز بند رکھنے کا فیصلہ

نگراں پنجاب حکومت نے صوبہ بھر میں کشیدہ صورتحال کے باعث کالجز اور یونیورسٹیز اگلے دو روز مزید بند رکھنے کا فیصلہ کیا ہے۔

نگراں وزیراعلیٰ پنجاب محسن نقوی کی زیر صدارت صوبائی کابینہ کا اجلاس ہوا، جس میں اہم فیصلے کئے گئے۔

مزید جانیے : القادر ٹرسٹ کیس میں عمران خان کا 8 روزہ جسمانی ریمانڈ منظور

پاکستان تحریک انصاف کے چیئرمین عمران خان کی گرفتاری کے بعد پرتشدد مظاہروں کو کنٹرول کرنے کیلئے میانوالی سمیت صوبہ بھر میں فوج کی تعیناتی کا فیصلہ کیا گیا ہے۔

صوبائی کابینہ نے پنجاب بھر کے کالجز اور یونیورسٹیز اگلے 2 روز بند رکھنے کا فیصلہ کیا ہے۔

یہ بھی پڑھیں: توشہ خانہ فوجداری کیس: عمران خان پر فرد جرم عائد کردی گئی

نگراں وزیراعلیٰ پنجاب کی زیر صدارت فیصلہ کیا گیا کہ شر پسندوں کے خلاف انسداد دہشت گردی ایکٹ کے تحت مقدمے درج ہوں گے۔ محسن نقوی نے کہا کہ وعدہ ہے کہ ریاست پاکستان پر حملہ آور ہر شر پسند کو کیفر کردار تک پہنچائیں گے۔