عمران خان کو اسلام آباد ہائیکورٹ سے گرفتار کر لیا گیا

چئیرمین پی ٹی آئی عمران خان کو نیب کی ٹیم نے رینجرزکی معاونت سے گرفتار کرلیا۔رینجرزاہلکاروں نے عمران خان کو جوڈیشل کمپلیکس کے احاطے سے گرفتارکیاجس کے بعد اُنھیں نیب راولپنڈی کے دفترمنتقل کردیا گیا ہے۔

ذرائع کےمطابق چیئڑمین پی ٹی آئی کو القادرٹرسٹ کیس اور توشہ خانہ کیس میں گرفتارکیاگیا۔سکیورٹی ذرائع کا کہنا ہےکہ عمران خان کو وارنٹ دیکھا کرگرفتارکیا گیا،انہوں نےاہلکلاروں سے کسی قسم کی بدتمیزی نہیں کی۔ذرائع کے مطابق چئیرمین نیب نے عمران خان کے وارنٹ جاری کئےتھے۔

آئی جی اسلام آباد نے عمران خان کی گرفتاری کی وجہ بتادی

سیکیورٹی ذرائع کا کہنا ہےکہ عمران خان کولیگل وارنٹ دکھا کرگرفتارکیا گیا،سابق وزیراعظم کے ساتھ سیکیورٹی اہلکاروں نے کوئی بدتمیزی نہیں کی۔چیئرمین نیب نے یکم مئی کوعمران خان کے وارنٹ گرفتاری جاری کئےتھے،چیئرمین پی ٹی آئی کو ریمانڈ کیلئے متعلقہ عدالت میں پیش کیا جائے گا۔

عمران خان کی گرفتاری، جس نے بھی یہ کیا ہے غلط کیا ہے،چیف جسٹس اسلام آباد ہائیکورٹ

آئی جی اسلام آباد عدالت پیش

اسلام آبادہائیکورٹ نےڈی جی نیب راولپنڈی،پراسیکیوٹرجنرل کوطلب کرلیا۔چیف جسٹس نے کہا کہ نیب کےدونوں افسران آدھےگھنٹےمیں عدالت میں پیش ہوں۔ اس سے قبل سیکریٹری داخلہ کی عدم پیشی پر چیف جسٹس نے برہمی کا اظہار کرتے ہوئے کہا کہ کیا اب میں کابینہ کو بلاوں 15 منٹ کہا تھا اب تو 45 منٹ ہوگئےہیں۔آئی جی اسلام آباد نےعدالت میں پیش ہو کرکہا کہ عمران خان کو کرپشن کے کیس میں گرفتارکیا گیا ہے۔

میڈیکل بورڈ تشکیل

عمران خان کےطبی معائنےکیلئے پولی کلینک کا 7 رکنی بورڈ تشکیل دیدیا گیا۔ڈاکٹرفرید اللہ شاہ میڈیکل بورڈکےسربراہ ہوں گے۔

چیف جسٹس کا حکم

اس سے قبل احاطہ عدالت سے عمران خان کی گرفتاری پرچیف جسٹس نے 15 منٹ میں آئی جی کوطلب کیا۔چیف جسٹس عامر فاروق نے ریماکس دئیے کہ جس نے بھی یہ کیا ہے غلط کیا ہے، وزیراعظم اور وزراء کے خلاف بھی کارروائی کرنا پڑی کروں گا۔

دوسری جانب آئی جی اسلام آباد کا کہنا ہے کہ دفعہ 144نافذ ہے خلاف ورزی پرکارروائی ہوگی۔حالات معمول کے مطابق ہیں۔

پولیس کا تحریک انصاف کے کارکنوں کے خلاف کریک ڈاؤن شروع

وزیرداخلہ رانا ثنااللہ کا ردعمل

وزیرداخلہ رانا ثنااللہ کا کہنا ہے کہ نیب میں عمران خان کیخلاف انکوائریاں چل رہی تھیں،نیب میں50ارب روپے خزانے کو نقصان پہنچانے کا کیس تھا۔عمران خان خان کو بار بار نوٹس جاری ہوئے۔عمران خان نے شامل تفتیش اورپیش ہونے سے انکارکیا۔عمران خان کو نیب نے گرفتارکیا۔توشہ خانہ میں اربوں روپے چوری کیے گئے۔

وفاقی وزیر داخلہ رانا ثناء اللہ نے عمران خان کی گرفتاری کی حمایت کردی

نیب آفس سکیورٹی

عمران خان کی گرفتاری کے بعد نیب ریجنل آفس راولپنڈی کے باہر سیکیورٹی کے سخت انتظامات کردئیے گئے۔پولیس نے نیب آفس آنے والے راستے ٹریفک کیلئے بند کردیئے۔نیب ریجنل آفس کے باہر اینٹی رائٹس فورس کے دستے پہنچ گئے۔

چیئرمین تحریک انصاف نیب ریجنل آفس راولپنڈی منقل

عمران خان کی گرفتاری کے بعد بڑے شہروں میں احتجاج

دوسری جانب عمران خان کی گرفتاری کے بعد لاہور،اسلام آباد اور کراچی میں احتجاج جاری ہے۔سابق وزیراعظم کی گرفتاری کے بعد پی ٹی آئی کارکنان سڑکوں پر نکل آئے، حکومت اور نیب کیخلاف شدید نعرے بازی کی۔

عمران خان کی گرفتاری کیخلاف مختلف شہروں میں احتجاج ،ٹریفک جام