ورلڈ کپ کی تیاری، پی سی بی کا سری لنکن بورڈ سے رابطہ

پاکستان کرکٹ ٹیم کی ورلڈ کپ کی تیاریوں کیلئے پی سی بی نے سری لنکن بورڈ سے رابطہ کرلیا، دونوں ٹیمین جولائی میں ایک روزہ میچز کھیلنا چاہتے ہیں۔

پاکستان کرکٹ ٹیم کی ون ڈے ورلڈ کپ کی تیاریوں کا سلسلہ جاری ہے، پی سی بی نے اس حوالے سے سری لنکن بورڈ سے رابطہ کرلیا۔

دونوں بورڈز کے درمیان سری لنکا کے ورلڈ کپ کیلئے کوالیفاٸی کرنے پر ون ڈے میچز کھیلنے پر مشاورت ہوئی۔

رپورٹ کے مطابق پاکستان ٹیم کو جولاٸی میں ٹیسٹ سیریز کیلئے سری لنکا کا دورہ کرنا ہے، دونوں بورڈ جولاٸی میں ون ڈے میچز کھیلنا چاہتے ہیں۔

پی سی بی کا کہنا ہے کہ سری لنکا کیخلاف ون ڈے میچز کے انعقاد سے ورلڈ کپ کی تیاریوں میں مدد ملے گی۔