جوڈیشل کمپلیکس توڑپھوڑمعاملہ،وکیل کی عدم دستیابی کے باعث سماعت آئندہ ہفتے تک ملتوی

اسلام آباد ہائیکورٹ،جوڈیشل کمپلیکس پرحملہ اورتوڑپھوڑ کا معاملہ ،اسسٹنٹ کمشنرکی عمران خان کے خلاف توہین عدالت کی درخواست پرسماعت ہوئی۔

چیف جسٹس عامرفاروق نے کیس کی سماعت کی ہے۔اسٹیٹ کونسل ،ڈی ایس پی لیگل،آئی جی آفس کے نمائندے سید طاہر کاظم عدالت میں پیش ہوئے۔

معاون وکیل نے عدالت نے ریماکس دئیے کہ رضوان عباسی دوسری عدالت میں مصروف ہیں سماعت ملتوی کی جائے،چیف جسٹس کا اسٹیٹ کونسل سےمکالمہ،کہاپھر ایک ہفتےکی تاریخ دینی پڑے گی،اسٹیٹ کونسل نے کہا کیس اگلے ہفتے رکھ لیں درخواست گزارکے وکیل بھی آجائیں گے۔

عدالت نے آج فریقین سے توہین عدالت کی درخواست پر دلائل طلب کر رکھے تھے۔سیشن جج، آئی جی پولیس نے رپورٹ جمع کروا دی تھی۔

بعدازاں عدالت نے عمران خان کے خلاف توہین عدالت کی درخواست پر سماعت آئندہ ہفتے تک ملتوی کردی۔