ایک ہی روز انتخابات، سپریم کورٹ میں کیس کی سماعت کل مقرر

ملک میں ایک ہی روز انتخابات کے حوالے سے کیس کی سماعت سپریم کورٹ میں کل ہو گی۔

رجسٹرار سپریم کورٹ آف پاکستان کی طرف سے ملک میں ایک ہی روز انتخابات کے حوالے سے کیس کی سماعت کل بروز جمعہ کو صبح ساڑھے 11 بجے ہو گی۔

تمام صوبائی اور قومی اسمبلی کے انتخابات ایک ہی تاریخ پر کرانے کے لیے پی ٹی آئی ٹیم کے ساتھ مذاکرات کے نتائج پر حکومت کل جامع بیان بھی جمع کرائے گی۔

خیال رہے کہ ملک میں ایک ہی روز انتخابات کیس کی سماعت سپریم کورٹ کا تین رکنی بینچ کر رہا ہے، چیف جسٹس عمر عطاء بندیال، جسٹس منیب اختر اور جسٹس اعجاز الاحسن کیس کی سماعت کر رہے ہیں۔

یہ بھی پڑھیں، سپریم کورٹ کو انتخابات کی تاریخ دینے کا اختیار نہیں، نظرثانی اپیل دائر

واضح رہے کہ چیف جسٹس آف پاکستان جسٹس عمر عطاء بندیال پہلے ہی کہہ چکے ہیں کہ سیاسی جماعتیں ملک میں ایک ہی روز انتخابات کے حوالے سے معاملات طے کر لیں، بصورت دیگر آئینی طور پر ہمارے پاس 14 مئی کو انتخابات کی تاریخ واپس لینے کا کوئی راستہ نہیں ہے۔

یاد رہے کہ پاکستان تحریک انصاف اور حکمران اتحاد کے درمیان اب تک تین مرتبہ مذاکرات ہو چکے ہیں، اسحاق ڈار کے بقول حکومت اور تحریک انصاف کے درمیان ایک ہی روز الیکشن پر اتفاق ہو چکا ہے۔ تاہم الیکشن کی تاریخ پر تاحال ڈیڈ لاک برقرار ہے۔