پرویزالہی کیخلاف کرپشن کا کیس؛نیب کا جانچ پڑتال کیلئے سی اینڈ ڈبلیو سے معاونت کا فیصلہ

گجرات اورمنڈی بہاوالدین میں 100ارب سے زائد کے ترقیاتی منصوبوں میں بےضابطگیوں کا کیس،نیب کوپرویزالہٰی،مونس الہٰی،علی افضل ساہی اورمحمد خان بھٹی کیخلاف ابتدائی ریکارڈ موصول ہوگیا۔

نیب لاہورنے ریکارڈ کی جانچ پڑتال کیلئے محکمہ سی اینڈ ڈبلیو سے معاونت لینے کا فیصلہ کیا ہے۔نیب نے سیکرٹری سی اینڈ ڈبلیو سے 23-2022 کے تمام تعمیراتی ٹھیکوں کی تفصیلات مانگ رکھی تھیں۔

نیب نےمنصوبوں کے ٹینڈرز،ادائیگیوں،پرفارمنس گارنٹی،کام کے معیارکی تفصیلات طلب کی تھیں،قوانین کی خلاف ورزیوں، قبل ازوقت ادائیگیوں،کروڑوں کےکمیشن سمیت مختلف الزامات کی تحقیقات کی جارہی ہیں۔

پرویز الہٰی،مونس الہٰی،علی افضل ساہی پر کمیشن کی مد میں سرکاری خزانے کوکروڑوں کا نقصان پہنچانے کا الزام ہے۔گجرات اورمنڈی بہاوالدین میں 100 ارب روپے سے زائد کی سکیمیں رکھی گئیں۔