عمران خان کی تمام 9 مقدمات میں ضمانت منظور

اسلام آباد ہائیکورٹ نے چیئرمین پاکستان تحریک انصاف عمران خان کی دہشتگردی کے 7 مقدمات میں حفاظتی ضمانت جبکہ دیگر دو مقدمات میں عبوری ضمانت منظور کرلی، عدالت نے 10 روز میں انسداد دہشتگردی عدالت سے رجوع کرنے کا حکم دیدیا۔

اسلام آباد ہائیکورٹ کے چیف جسٹس عامرفاروق کی سربراہی میں دو رکنی بینچ نے عمران خان کے خلاف مقدمات میں ضمانت کی درخواستوں پر سماعت کی جس میں عمران خان کے وکیل بیرسٹر سلمان صدر نے دلائل دیے۔

ضمانتوں کی درخواست پرسماعت کے دوران چیف جسٹس نے ریمارکس دیتے ہوئے کہا کہ ہم گریس کے ساتھ ریلیف دے رہے تھے آپ لینا نہیں چاہتے،ایسے تو پھر ایسے ہی سہی، ہم اپنا آرڈر پاس کریں گے۔

دوران سماعت چیف جسٹس نےکہا کہ ہم نے کہا تھا متعلقہ عدالت سے رجوع کرنے کے لیے پروٹیکشن دیں گے، آپ نے ابھی تک تفتیش بھی جوائن نہیں کی، آپ کو پہلی تاریخ سے باورکرایا تھا کہ ہم صرف پروٹیکشن دیں گے۔

دوران سماعت ایڈووکیٹ جنرل نے کہا کہ عمران خان کی میڈیکل رپورٹ جینوئن نہیں ہے۔فواد چودھری اورایڈووکیٹ جنرل جہانگیرجدون میں تلخ کلامی،عدالت نےفریقین کے رویےپر شدید برہمی کا اظہار کرتے ہوئے کہا کہ اب کوئی ایک لفظ نہ بولے۔

جلاؤگھیراؤ اور پولیس تشدد مقدمہ؛عمران خان کی ایک روزہ حاضری معافی کی درخواست منظور

سابق وفاقی وزیر فواد چودھری خود روسٹرم پر آگئے،کہاباہرسیکیورٹی کا نہیں خوفزدہ کرنے کا انتظام ہے، اس وقت صرف عمران خان عدالتی احکامات مان رہے ہیں۔

بعدازاں عدالت نے سات مقدمات میں ضمانت کی درخواست پر فیصلہ محفوظ کرلیاگیا۔

عدالت نے عمران خان کی عبوری ضمانت میں آج تک توسیع کی تھی۔وکیل سلمان صفدر نے عمران خان کی آج ہر صورت میں پیشی کی یقین دہانی کرائی تھی۔ضلعی انتظامیہ اورپولیس کی جانب سے سیکیورٹی کے سخت انتظامات کیے گئے۔