ന്യൂഡല്‍ഹി: കേരളത്തില്‍ ഏറെ വിവാദമായ കേരളാ സ്റ്റോറിയെ പ്രശംസിച്ച് ബിജെപി നേതാവ് അനൂപ് ആന്റണി. കശ്മീര്‍ ഫയല്‍സിനെകാളും വലിയ വിജയമാകും കേരള സ്‌റ്റോറിയെന്നാണ് അനൂപ് ആന്റണി പറഞ്ഞത്. ചിത്രത്തിന്റെ പ്രീമിയര്‍ ഷോ കാണുന്നതിനായി വന്‍ ജന പ്രവാഹം എത്തിയതിന് പിന്നാലെയാണ് ഫേസ്ബുക്ക് കുറിപ്പില്‍ അനൂപ് ആന്റണിയുടെ പ്രതികരിച്ചത്.
Read Also: ‘അശ്വതി അച്ചു’ അറസ്റ്റിൽ, ഹണി ട്രാപ്പ് ഉൾപ്പടെ നിരവധി കേസിലെ പ്രതി
ഡല്‍ഹി ജെന്‍യുവില്‍ കേരളാ സ്റ്റോറി കാണാന്‍ കൂടിയിരിക്കുന്ന വിദ്യാര്‍ത്ഥികളാണ് ഇത്. ലക്ഷണം കണ്ടിട്ട് ഇത് കശ്മീര്‍ ഫയല്‍സിനേക്കാളും വലിയ വിജയമാകും എന്നായിരുന്നു അനൂപ് ആന്റണി കുറിച്ചത്.
കേരള സ്റ്റോറിയുടെ പ്രദര്‍ശനം തടയുമെന്ന് ജെഎന്‍യുവില്‍ എസ്എഫ്‌ഐ കഴിഞ്ഞ ദിവസം പറഞ്ഞിരുന്നു. എന്നാല്‍ അത് വിലപോയില്ല.മെയ് അഞ്ചിന് റിലീസാകുന്ന ചിത്രത്തിന്റെ രാജ്യത്തെ ആദ്യത്തെ പ്രീമിയര്‍ ഷോ ആണ് ജെഎന്‍യുവില്‍ ഇന്നലെ നടന്നത്. നിലവില്‍ ‘ദ കേരള സ്റ്റോറിക്ക്’ സെന്‍സര്‍ ബോര്‍ഡിന്റെ പ്രദര്‍ശാനുമതി ലഭിച്ചിട്ടുണ്ട്. എ സര്‍ട്ടിഫിക്കറ്റോടെയാണ് ചിത്രത്തിന് പ്രദര്‍ശനാനുമതി. ചിത്രത്തിന്റെ നിര്‍മ്മാതാവ് വിപുല്‍ അമൃത്ലാല്‍ ഷായാണ് ഈ കാര്യം വെളിപ്പെടുത്തിയത്.
Post Your Comments