عازمین حج کو مناسک حج کی تربیت کا شیڈول جاری

سندھ کےعازمین حج کا تربیتی پروگرام آج سے شروع ہوگا۔حج ڈائریکٹوریٹ سندھ سے تعلق رکھنے والےعازمین حج کومناسک حج کی تربیت کا شیڈول جاری کردیا۔

حج ڈاریکٹوریٹ کےمطابق عازمین حج کے سندھ بھرمیں تربیتی پروگرام 21 روز تک جاری رہے گا۔عازمین حج کی تربیت کا آغازآج سےجامع مسجد صدر حیدرآباد سے ہوگا۔جبکہ بذریعہ ایس ایم ایس متعلقہ عازمین کو اطلاع بھی دیدی ہے۔

سعودی وزارت نے ’بغیر محرم‘ حج پرمٹ کے اجرا کا طریقہ کار جاری کر دیا

28 اپریل کو حجاج کا تربیت جامشورو میں ڈسٹرکٹ کونسل ہال میں ہوگی ۔30 اپریل کو ٹنڈوالہیارسے تعلق رکھنے والے حجاج کو تربیت ایلیمنٹری اسکول میں ہوگا۔یکم مئی کومٹیاری،2 مئی کو ٹنڈو آدم، 3 مئی کو نوابشاہ میں عازمین حج کو تربیت دی جائے گی۔

4 مئی سانگھڑ 5 مئی میرپورخاص 6 مئی عمرکوٹ 7 مئی کو ٹنڈو محمد خان اور بدین میں حجاج کی تربیت ہوگی۔کراچی میں عازمین حج کی تربیت 4 مئی تا 15 مئی تک شہرمیں قائم مختلف سینٹرزمیں ہوگی۔

حکومت کا استعمال نہ کیا جانے والے حج کوٹہ کی سعودی عرب کو واپسی پرغور

رواں سال کے حجاج کو وزارت مذہبی امورنے ایس ایم ایس کے ذریعے اطلاع دے دی ہے۔حکومت نے سعودی عرب جانے سے قبل حج کی تربیت کو لازمی قراردیا ہے۔

عازمین حج اپنے مقررہ وقت پرقریبی ٹریننگ سینٹرپرتربیتی پروگرام میں لازمی شرکت کریں۔تربیتی پروگرام میں غیرحاضرہونے کی صورت میں عازمین حج کو حج کے لیے جانے کی اجازت نہیں ہوگی۔