തുടർച്ചയായ രണ്ടാം ദിനവും സ്വർണവിലയിൽ വർദ്ധനവ്

സംസ്ഥാനത്ത് ഇന്ന് സ്വർണവിലയിൽ വർദ്ധനവ് രേഖപ്പെടുത്തി. ഒരു പവൻ സ്വർണത്തിന് ഇന്ന് 80 രൂപയാണ് വർദ്ധിച്ചത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 44,760 രൂപയാണ്. ഒരു ഗ്രാം 22 കാരറ്റ് സ്വർണത്തിന് 10 രൂപ വർദ്ധിച്ച് 5,595- ലാണ് വ്യാപാരം നടക്കുന്നത്. തുടർച്ചയായ രണ്ടാം ദിനമാണ് സ്വർണവില ഉയർന്നിരിക്കുന്നത്.

ഇന്നലെ ഒരു ഗ്രാം സ്വർണത്തിന് 20 രൂപയും, ഒരു പവൻ സ്വർണത്തിന് 160 രൂപയുമാണ് വർദ്ധിച്ചിരുന്നത്. കഴിഞ്ഞ മൂന്ന് ദിവസത്തിനുള്ളിൽ 320 രൂപയുടെ ഇടിവുണ്ടായ ശേഷമാണ് ഇന്നലെ സ്വർണവില ഉയർന്നത്. സംസ്ഥാനത്ത് ആദ്യമായി ഏപ്രിൽ 14- നാണ് സ്വർണവില സർവകാല റെക്കോർഡിൽ എത്തിയത്. 45,320 രൂപയായിരുന്നു അന്നത്തെ നിരക്ക്.

Also Read: വ്യാജ അഭിഭാഷക ചമഞ്ഞ് ആൾമാറാട്ടം: 21 മാസം സെസി സേവ്യർ ഒളിവിൽ കഴിഞ്ഞത് നേപ്പാളിൽ ആണെന്ന് വിവരം