نیوزی لینڈ کیخلاف سیریز، احسان اللہ کو نہ کھلانے پر محمد عامر برہم

قومی ٹیم کے سابق فاسٹ باؤلر محمد عامر نیوزی لینڈ کے خلاف ٹی ٹونٹی سیریز میں فاسٹ باؤلر احسان اللہ کو نہ کھلانے پر ٹیم انتظامیہ پر برہم ہو گئے۔

سماجی رابطے کی ویب سائٹ ٹویٹر پر اپنے ایک بیان میں محمد عامر نے لکھا کہ احسان اللہ حال ہی میں ختم ہونے والی پاکستان سپر لیگ (پی ایس ایل) اور افغانستان سیریز میں زبردست باؤلر کے طور پر سامنے آئے، اس طرح وہ نیوزی لینڈ کے خلاف سیریز میں پلیئنگ الیون میں جگہ کے مستحق ہیں۔

خیال رہے کہ احسان اللہ پی ایس ایل 8 میں 22 وکٹیں لینے کے بعد دوسرے سب سے زیادہ وکٹیں لینے والے باؤلر تھے۔

بعد ازاں اس نے اپنا T20I ڈیبیو افغانستان کے خلاف کیا اور وہ سب سے زیادہ وکٹیں حاصل کی تھیں۔