سعودی عرب: ٹریفک حادثے میں 9 پاکستانی جاں بحق ، پانچ زخمی
ننکانہ صاحب سے تعلق رکھنے والےتمام افراد عمرہ ادائیگی کے بعد القصیم کے قریب حادثے کا شکار ہوئے
فائل فوٹو۔
سعودی عرب میں ٹریفک حادثے میں نوپاکستانی شہری جاں بحق اور پانچ زخمی ہوگئے۔
تفصیلات کے مطابق سعودی عرب میں ٹریفک حادثے میں نوپاکستانی شہری جاں بحق اور پانچ زخمی ہوگئے،پاکستانی فیملیز کے ارکان عمرہ کی ادائیگی کے بعد دارالحکومت ریاض پہنچ رہے تھے کہ حادثے کا شکار ہوگئے۔
بتایا گیاہے کہ ننکانہ صاحب کے نواحی گائوں اسلام نگر کے رہائشی وزٹ ویزے پر سعودی عرب میں مقیم تھے۔
تمام افرادعمرہ ادا کرنے کے بعد مدینہ منورہ سے ریاض واپسی کے بعد القصیم کے قریب حادثے کا شکارہوگئے جس میں نو افراد لقمہ اجل بن گئے۔
حادثے میں جاں بحق ہونے والوں میں خواتین اور بچے بھی شامل ہیں۔
Saudi Arabia
traffic accidents
9 Pakistanis killed and 5 injured
