پنجاب:چینی کی ذخیرہ اندوزی کیخلاف کارروائیاں،42 ہزار بوریاں برآمد
چینی کی اوورچارجنگ پر27ایف آئی آرز درج کرکے 16 افرادکو گرفتارکیا جا چکا
فائل فوٹو۔
پنجاب حکومت کا چینی کی گراں فروشی اور ذخیرہ اندوزی کیخلاف کریک ڈائون جاری ہے ، حکام نےاٹھارہ دنوں میں لاہور میں ذخیرہ کی گئی بیالیس ہزار بوریاں برآمد کرلیں ۔
ترجمان پنجاب حکومت نے بتایا کہ چینی کی ذخیرہ اندوزی اور اوور چارجنگ کیلئے 3356 انسپیکشنز کی گئیں، یکم اپریل تا 18اپریل کاروائیوں میں ذخیرہ کردہ 42ہزار 672 چینی کی بوریاں پکڑی گئیں۔
انہوں نے بتایا کہ چینی کی ذخیرہ اندوزی اور اوورچارجنگ پر27ایف آئی آرز درج کرکے 16 افرادکو گرفتارکیا جا چکا ہے، سترہ گوداموں اور دکانوں کو سربمہر کیا گیا، 136 اوور چارجنگ ہوئیں۔
ترجمان نے بتایا کہ تمام اضلاع کے ڈپٹی کمشنرتمام کاروائیوں کی خود نگرانی کررہے ہیں،چینی کی ذخیرہ اندوزی کیخلاف سخت کریک ڈاون جاری رہے گا۔
Sugar Creek Down
Caretaker Punjab Government
42 thousand sacks recovered
