کندھ کوٹ: رشتہ کے تنازع نے 4 افراد کی جان لے لی
ڈومکی برادری کے دو گروپوں میں فائرنگ کا تبادلہ، 8 افراد زخمی بھی ہوئے
کندھ کوٹ کے علاقے بخشاپور میں ڈومکی برادری کے دو گروپوں میں رشتہ کے تنازع پر تصادم ہوا، نوبت فائرنگ تک پہنچ گئی جس میں 4 افراد جاں بحق اور 8 زخمی ہوگئے۔
پولیس کے مطابق کندھ کوٹ کی ڈومکی برادری کے دو گروپوں میں کافی عرصے سے رشتے کا تنازع چلا آرہا تھا، آج انڈہی اسٹاپ کے قریب دونوں گروپوں کی جانب سے فائرنگ کا واقعہ پیش آیا۔
پولیس کا کہنا ہے کہ فائرنگ کے نتیجے میں 4 افراد جاں بحق جبکہ 8 زخمی ہوگئے، لاشوں اور زخمیوں کو اسپتال منتقل کردیا گیا۔
واقعے کے بعد علاقے میں پولیس کی بھاری نفری پہنچ گئی، ملزمان کی گرفتاری کیلئے کوششیں شروع کردی گئیں۔
kandhkot
Sindh Police
