پی ٹی آئی نے پنجاب اور کے پی اسمبلیاں انتخابات کیلئے ہی توڑیں، چودھری سرور

مسلم لیگ ق کے رہنما چوہدری سرور بھی ملک بھر میں ایک ہی روز الیکشن کے حامی نکلے۔

رہنما مسلم لیگ (ق) چوہدری سرورنے سماء کو انٹرویو دیتے ہوئے کہ پی ٹی آئی نے بھی پنجاب اورکے پی اسمبلیاں انتخابات کروانے کیلئے توڑی تھی۔وسیع تر ملکی مفاد کا تقاضا ہےکہ تمام سیاستدان مل بیٹھ کرمعاملات حل کریں،اس کیلئے اپنا کردارادا کرنے کو بھی تیارہوں۔

چوہدری سرور نے نئی سیاسی جماعت بنانے کی خبروں کی تردید کردی

انہوں نےمزید کہا کہ ملک سیاسی کشیدگی کا سب سے زیادہ نقصان غریب عوام کو پہنچے گا۔صوبوں اورمرکزمیں انتخابات ایک دن ہونے چاہئیں،الگ الگ الیکشن کی رسم پڑگئی توملک میں کبھی سیاسی استحکام نہیں آئے گا۔

سیاستدانوں کا قصورہے جو سیاسی فیصلےعدالتوں سے کروارہے ہیں،عدالتیں سیاستدانوں سے کہیں کہ اپنے معاملات پارلیمنٹ کے اندر حل کریں،ہمارے ملک کا المیہ ہے کہ اپنا کام نہیں کرنا اوردوسرے کے کام میں ٹانگ اڑانی ہے،تصادم سے تباہی آئے گی اور سب سے زیادہ نقصان عوام کا ہو گا۔

چیف جسٹس پاکستان کو اپنا ہاوس ان آرڈر کرنا چاہیے،چودھری سرور

آٹے کی ایک بوری کیلئے لوگ ایک ایک کلومیٹر لمبی قطار میں لگے ہوئے ہیں عمران خان کہہ رہا ہے کہ پی ڈی ایم نے ایک سال میں ملک کا بیڑا غرق کردیا۔ پاکستان کے موجودہ حالات کے سب ذمہ دار ہیں۔