پنجاب و خیبرپختونخوا انتخابات کیلئے فنڈز فراہمی کا بل اتفاق رائے سے مسترد

قومی اسمبلی کی قائمہ کمیٹی برائے خزانہ نے پنجاب و خیبرپختونخوا انتخابات کیلئے فنڈز فراہمی کا بل اتفاق رائے سے مسترد کردیا۔

اجلاس میں پنجاب اورکے پی اسمبلیوں کے انتخابات کیلئے فنڈز سے متعلق بل پر غورکیا گیا۔قومی اسمبلی کی قائمہ کمیٹی برائے خزانہ کے اجلاس کی صدارت قیصر شیخ نے کی ہے۔

وزارت خزانہ نے پنجاب میں انتخابات کیلئے فنڈز کی فراہمی سے معذرت کرلی۔ وزیرمملکت خزانہ عائشہ غوث پاشا نے کہا پاکستان آئی ایم ایف کےسخت پروگرام میں ہے،ہمیں فنڈز کی قلت اور بھاری خسارے کا سامنا ہے،ہمارے پاس مختص بجٹ کے علاوہ اضافی فنڈز دستیاب نہیں ہیں،اضافی فنڈزفراہم کئے تو آئی ایم ایف پروگرام سے تجاوزہوگا،آئی ایم ایف کے ساتھ طے شدہ خسارے تک محدود رہنا چاہتے ہیں۔

حکومت کا سپریم کورٹ پریکٹس اینڈ پروسیجر بل کے بھرپوردفاع کا فیصلہ

چیئرمین کمیٹی قیصرشیخ نے کہا کہ ایک سال سے نیشنل بینک کا چیئرمین نہیں ملک ایسے نہیں چلتے،مجھےدکھ ہےپچھلے ایک سال میں کوئی وزیرخزانہ کمیٹی اجلاس میں نہیں آیا،ہمیں ہربارکہا جاتا ہےکہ آئی ایم ایف کے ساتھ ایک ہفتےمیں معاہدہ ہورہا ہے۔وفاقی وزیر خزانہ اور وزیر قانون کو اجلاس میں آنا چاہیے وزیر خزانہ نہیں آتے تومیں کمیٹی چیئرمین کےعہدےسے استعفیٰ دینے کیلئے تیارہوں۔

رمیش کمار نے کہا کہ کیا آئی ایم ایف کو بتایا گیا ہے کہ پٹرول پر کوئی سبسڈی نہیں دی جائے گی۔

سینیٹ کی قائمہ کمیٹی برائے خزانہ کے اجلاس کی صدارت سلیم مانڈوی والا کریں گےدونوں ایوانوں کی کمیٹیاں حکومتی بل سے متعلق اپنی سفارشات دیں گی۔حکومت نے انتخابی اخراجات سے متعلق بل 10 اپریل کو ایوان میں پیش کیا تھا۔