ملک کی صنعتیں اضافی ٹیکسزکی وجہ سے تباہ ہو رہی ہیں، چیف جسٹس

چیف جسٹس آف پاکستان عمرعطابندیال کا کہنا ہے کہ ملک کی صنعتیں اضافی ٹیکسز کی وجہ سے تباہ ہو رہی ہیں۔

سپریم کورٹ میں سندھ سیلز ٹیکس 2011 کے خلاف درخواستوں پر سماعت کے دوران چیف جسٹس نے ریمارکس دیے کہ صنعتوں پر اضافی ٹیکسز کے نفاذ کے معاملے کو بھی دیکھنے کی ضرورت ہے۔ کیس کی سماعت چیف جسٹس عمرعطا بندیال کی سربراہی میں تین رکنی بینچ نے کی۔

عدالت نے سندھ ریونیو بورڈ کی درخواست پر کیس کی سماعت جون کے پہلے ہفتے تک ملتوی کر دیا۔

واضح رہے کہ سندھ حکومت نے 2011ء سے سروسز پر سندھ سیلز ٹیکس عائد کیا تھا جس پر نجی کمپنیوں نے سروسز پر سندھ سیلز ٹیکس کے نفاذ کو چیلنج کر رکھا ہے۔