عمران خان کا ایس ایچ او عامر شہزاد کی اچانک وفات کی تحقیقات کا مطالبہ

پاکستان تحریک انصاف (پی ٹی آئی) کے چیئر مین اور سابق وزیراعظم عمران خان نے اپنے اوپر وزیر آباد میں ہونے والے حملے کی تحقیقات کرنے والے ایس ایچ او عامر شہزاد کی اچانک وفات کی تحقیقات کا مطالبہ کر دیا۔

سماجی رابطے کی ویب سائٹ ٹویٹر پر اپنے ایک بیان میں سابق وزیراعظم نے لکھا کہ ہم دل کے دورے کے نتیجے میں SHO عامر شہزاد کی اچانک وفات کی باضابطہ تحقیقات کا مطالبہ کرتے ہیں۔ انہوں نےوزیرآباد میں مجھ پر قاتلانہ حملےکا مقدمہ درج کیا چنانچہ قتل کےاس منصوبے،جسکی تحقیقات JIT کررہی ہے، کے پیچھے کارفرما عناصر کو بے نقاب کرنے کے حوالے سے وہ ایک کلیدی کردار (گواہ) تھے۔

اپنے بات کو جاری رکھتے ہوئے پی ٹی آئی چیئر مین کا کہنا تھا کہ مشترکہ تحقیقاتی ٹیم کےریکارڈ کےساتھ بھی چھیڑچھاڑ کی گئی ہے۔ اس موقع پر ان پراسرار حالات کہ جن میں وفاقی تحقیقاتی ادارے (ایف آئی اے) کےتفتیش کار ڈاکٹر رضوان اور مقصود چپڑاسی سمیت شہبازشریف کیخلاف منی لانڈرنگ کے مقدمے کے دیگر تمام گواہان کی اموات لپٹی ہوئی ہیں، کو یاد کرنا بھی نہایت اہم ہے۔