سیکیورٹی فورسزکی بڑی کامیابی،انتہائی مطلوب دہشتگرد گرفتار، آئی ایس پی آر

سیکیورٹی فورسزکی بڑی کامیابی مل گئی۔آئی ایس پی آر کےمطابق بلوچستان میں اٹیلیجنس بیسڈ آپریشن میں انتہائی مطلوب دہشتگردگرفتارکرلیا گیا۔

آئی ایس پی آر کے مطابق انٹیلیجنس اداروں نے مسلسل کاوشوں کے بعد گلزارامام عرف شنبے کو بلوچستان سے گرفتار کیا۔

قومی سلامتی کميٹی کےاعلاميے ميں کسی سازش کا ذکر نہيں تھا،آئی ایس پی آر

پکڑا جانے والا دہشتگرد 2018 تک کالعدم بلوچ ریپبلیکن آرمی میں براہمداغ بگٹی کا نائب رہا۔جبکہ 2022 میں بلوچ نیشنلسٹ آرمی کا سربراہ منتخب ہوا۔گلزارامام نے دسمبر 2017میں گل نوید کے نام سے افغانی پاسپورٹ پربھارت کا دورہ بھی کیا۔گلزارامام عرف شنبے کی گرفتاری کالعدم تنظیموں،دشمن انٹیلیجنس ایجنسیز کے ناپاک عزائم کیلئےایک بڑا دھچکا ہے۔

گرفتاری کے بعد گلزارامام کو حقیقت کا ادراک ہوا تو اس نے سیکیورٹی اداروں سے مکمل تعاون کا یقین دلایا۔بتایا کہ بلوچ علیحدگی پسندوں کی حالیہ تحریک بلوچی عوام اور پاکستانی ریاست کے لیے نقصان دہ ہے۔