عدالت فل بینچ بنائے، ہم فیصلہ مانیں گے، وزیر اعظم شہباز شریف

وزیراعظم شہبازشریف نے کہا ہے کہ آج بھی عدالت سے کہیں گے اپنے فیصلے پرریویو کرے، عدالت فل کورٹ بنا دے جو فیصلہ ہوگا قبول ہو گا، بڑا آدمی وہی ہوتا ہے جواپنی غلطی کو تسلیم کر لے۔

اسلام آباد میں لائرزکمپلیکس کی افتتاحی تقریب سےخطاب کرتے ہوئے وزیراعظم نے کہاکوئی سیاسی پارٹی الیکشن سے نہیں بھاگ رہی، جو پارٹی الیکشن سے بھاگے گی اس کی سیاست دفن ہو جائے گی۔

قومی اسمبلی نے سپریم کورٹ کے فیصلے کیخلاف قرار داد منظور کرلی

انہوں نے کہ کہ ا ہمیں تو حکم دیا جاتا ہے ، جنہوں نے یہ حکم دیا اپنے اوپر فیصلہ کیوں نہیں لاگو کرتے، عدالت کا ہم سب احترام کرتے ہیں، 9 رکنی بینچ بنا پھر آخر میں 3 رکنی بینچ رہ گیا، چار، تین کی ایک بحث چل رہی تھی۔

شہبازشریف نے کہا کہ اگر فل کورٹ کا مطالبہ مان لیا جاتا تو کوئی بھی اختلاف نہ کرتا، قاضی فائز عیسیٰ بینچ کے فیصلے کو سرکلر کے ذریعے ختم کیا گیا،ہم نے اپیل دائر کی ہوئی ہے اس کا اتا پتا نہیں، سیاسی پارٹیوں کو فریق نہیں بنایا گیا، ہر اسٹیک ہولڈرز کو اپنے گریبان میں جھانکنا ہوگا۔

انہوں نے کہاہم نے آنے والی نسلوں کا مستقبل محفوظ کرنا ہے یا ذاتی لڑائیاں لڑنی ہیں، آج بھی عدالت سے کہیں گے اپنے فیصلے پر ریویو کرے، عدالت فل کورٹ بنا دے جو فیصلہ ہو گا قبول ہو گا۔

وزیراعظم نے کہا بڑا آدمی وہی ہوتا ہے جو اپنی غلطی کو تسلیم کر لے، چیلنجز کا مقابلہ تنہا نہیں کرسکتا تمام اسٹیک ہولڈرزکواپنا حصہ ڈالنا ہوگا، ابھی بھی موقع ہے وہ فیصلہ کریں جو پاکستان کے بہترین مفاد میں ہو۔

پنجاب میں انتخابات کے التواء کا الیکشن کمیشن کا فیصلہ کالعدم قرار، پولنگ 14 مئی کو ہوگی

ان کا کہنا تھا کہ وکلا سے زیادہ آئین و قانون کیلئے کسی نے جدوجہد نہیں کی، وکلا نے عدلیہ بحالی کیلئے گولیاں، ڈنڈے کھائے،وکلا نے قانون کی حکمرانی اور انصاف کے حصول کیلئے جدوجہد کی، وکلا کو یہ مقام کسی نے پلیٹ میں رکھ کر نہیں دیا، انہوں نےعدلیہ بحالی کیلئے قربانیاں دی ہیں۔

وزیر اعظم نے کہا لائرز کمپلیکس میں اگرسپورٹس کمپلیکس نہیں تو اسے شامل کیا جائے، خواتین اور مردوں کیلئے سوئمنگ پول بھی ہونا چاہیے۔