آسٹریلیا کے سابق نامور کرکٹر مائیکل سلیٹر ایک مرتبہ پھر گرفتار

آسٹریلیا کے نامور سابق کرکٹر مائیکل سلیٹر کو ایک بار پھر گرفتار کر لیا گیا۔مائیکل سلیٹر کو جمعے کی رات پولیس افسر پر حملہ کرنے کے الزام میں گرفتار کیا گیا اور ان کو گھریلو تشدد کے کیس کا بھی سامنا ہے۔

آسٹریلوی میڈیا کے مطابق مائیکل سلیٹر پر پولیس کے کام میں مداخلت اور پولیس افسر پر حملے کا الزام ثابت کیا جائے گا۔ پولیس افسر کا ہاتھ زخمی ہوا اس کے علاوہ کوئی اور جسمانی طور پر زخمی نہیں ہوا، مائیکل سلیٹر نوسا مجسٹریٹ کورٹ میں دو مئی کو پیش ہوں گے۔

آسٹریلوی میڈیا کے مطابق مائیکل سلیٹر کو اس سے قبل ایک کیس میں دو سال جیل ہو چکی ہے اور وہ کمیونٹی کے لیے کام کر کے سزا مکمل کر رہے ہیں۔ اب مینٹل ہیلتھ کونسلر میں اپنا کیریئر بنانا چاہتے ہیں، وہ نشے کی حالت میں رہنے اور گھریلو تشدد کے واقعات کے باعث مینٹل ہیلتھ اسپتال میں داخل رہ چکے ہیں۔