الیکشن کمیشن کو پنجاب میں انتخابات کرانے کا پابند بنانے کیلئے نئی درخواست دائر

لاہور ہائیکورٹ میں الیکشن کمیشن کو پنجاب میں 30 اپریل کو انتخابات کرانے کا پابند بنانے کیلئے نئی درخواست دائر کردی گئی۔ جسٹس شجاعت علی خان نے درخواست چیف جسٹس کو بھجوادی۔

لاہور ہائیکورٹ میں پنجاب میں 30 اپریل کو الیکشن کرانے کے معاملے پر الیکشن کمیشن کو پابند کرنے کیلئے ایک اور درخواست دائر کردی گئی، جسٹس شجاعت علی خان نے درخواست چیف جسٹس لاہور ہائیکورٹ کو بھجوا دی، ساتھ ہی درخواست کو 2 رکنی بینچ کے سامنے پیش کرنے کی سفارش کردی۔

مزید جانیے: صدر مملکت نے پنجاب میں عام انتخابات 30 اپریل کو کرانے کی منظوری دیدی

واضح رہے کہ پنجاب میں الیکشن کے معاملے پر جسٹس اقبال چوہدری کی سربراہی میں 2 رکنی بینچ سماعت کررہا ہے، عدالت کا کہنا ہے کہ یہ درخواست بھی اسی بینچ کے روبرو سماعت کیلئے پیش کی جائے۔

درخواست گزار کا مؤقف ہے کہ سپریم کورٹ نے پنجاب اور کے پی کے میں الیکشن کرانے کا حکم دیا ہے تاہم تاریخ دینے کے باوجود الیکشن کرانے میں کوٸی سنجیدہ نظر نہیں آتا۔