پی ایس ایل 8 ایلیمینیٹر میچ :پشاور زلمی نے اسلام آباد یونائیٹڈ کو شکست دیدی

پاکستان سپرلیگ کےآٹھویں ایڈیشن کےپہلےایلیمینیٹرمیچ میں پشاورزلمی نے اسلام آباد یونائیٹڈ کو12 رنز سے شکست دے دی،اس کےساتھ ہی اسلام آباد یونائیٹڈ کا پی ایس ایل 8 میں سفر تمام ہوگیا۔

لاہورکے قذافی سٹیڈیم میں کھیلے گئے میچ میں اسلام آباد یونائیٹڈ کی ٹیم 183رنز کے جواب میں 171 رنز بناسکی ،صہیب مقصود 60، الیکس ہیلز 57 رنز پر آؤٹ ہوئے،عامر جمال اور سلمان ارشاد نے 2،2 شکار کیے۔

پشاورزلمی نے اسلام آباد یونائیٹڈ کی دعوت پر پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 183رنز بنائے۔

پشاور زلمی کی جانب سے کپتان بابراعظم 64 رنز بنا کرنمایاں رہے جبکہ محمد حارث 34، صائم ایوب 23، ٹام کوہلر-کیڈمور 16، حسیب اللہ خان 15، عظمت اللہ عمر زئی 10، جیمز نیشم 2 اور عامر جمال 1 رن بنا کر آؤٹ ہوئے۔اسلام آباد یونائیٹڈ کی جانب سے شاداب خان 2، محمد وسیم، فہیم اشرف، فضل الحق فاروقی اور حسن علی نے 1،1 وکٹ حاصل کی۔

اب 17 مارچ(کل)ایلیمنیٹر ٹو میچ میں لاہور قلندرز کا مقابلہ پشاور زلمی سے ہوگا۔