ఆమె ఒక్కతే కాదు - మీరు గ్రామీణ భారతదేశంలో నివసిస్తున్న మహిళ అయితే, గైనకాలజిస్టును లేదా సర్జన్‌ను కూడా చూసే అవకాశాలు చాలా తక్కువగా ఉంటాయి. ఇక్కడి సామాజిక ఆరోగ్య కేంద్రాలు (సిహెచ్‌సి) ప్రస్తుతం ఉన్న మౌలిక సదుపాయాలలో అవసరమైనదానికంటే 74.2 శాతం ప్రసూతి వైద్యుల, గైనకాలజిస్ట్‌ల కొరతను ఎదుర్కొంటున్నాయి.
మీరు అనారోగ్యంతో బాధపడుతున్న చిన్నబిడ్డకు తల్లి అయితే, సిఎచ్‌సిలో శిశువైద్యుని సంప్రదించడానికి కొంత సమయం పట్టవచ్చు. ఎందుకంటే, అవసరమైన పిల్లల వైద్యుల నుంచి సాధారణ వైద్యుల వరకూ దాదాపు 80 శాతం వైద్యఉద్యోగాలు ఇంకా భర్తీ కాలేదు.
ఈ విభాగం భారతదేశంలో మహిళల ఆరోగ్యం, ప్రత్యేకించి గ్రామీణప్రాంతాల మహిళల ఆరోగ్యం అనిశ్చిత స్వభావాన్ని తెలియజేస్తుంది. పునరుత్పత్తి ఆరోగ్యం నుండి లైంగిక హింస వరకు, మానసిక ఆరోగ్యం నుండి కోవిడ్-19 ప్రభావం వరకు, PARI హెల్త్ ఆర్కైవ్ మహిళల ఆరోగ్యానికి సంబంధించిన అనేక అంశాలను కవర్ చేస్తుంది - 'రోజువారీ ప్రజల రోజువారీ జీవితాలను' కవర్ చేయాలనే PARI ఆదేశాన్ని బలపరుస్తుంది.
తాజా జాతీయ కుటుంబ ఆరోగ్య సర్వే ( NFHS -5 2019-21 ) ప్రకారం, దేశవ్యాప్తంగా, 2015-16 నుండి మహిళల్లో రక్తహీనత తీవ్రమైంది. ఈ సర్వే భారతదేశంలోని 28 రాష్ట్రాలు, ఎనిమిది కేంద్రపాలిత ప్రాంతాలు, 707 జిల్లాలకు చెందిన జనాభా, ఆరోగ్యం, పోషకాహారంపై సమాచారాన్ని అందిస్తుంది
జమ్మూ కాశ్మీర్‌లోని వజీరీథల్ గ్రామ నివాసితులకు సమీప ప్రాథమిక ఆరోగ్య కేంద్రం (పిఎచ్‌సి) ఐదు కిలోమీటర్ల దూరంలో ఉంది.
PARI గ్రంథాలయం దీనికొక సాధనం
గ్రాఫిక్స్ రూపకల్పన చేసినందుకు మేము PARI గ్రంథాలయ వాలంటీర్ ఆష్నా దాగాకి ధన్యవాదాలు తెలియజేస్తున్నాం
ముఖపత్ర రూపకల్పన : స్వదేశ శర్మ
అనువాదం: సుధామయి సత్తెనపల్లి