سعودی عرب میں منشیات سمگلنگ میں ملوث2 پاکستانی گرفتار

سعودی عرب میں منشیات سمگلنگ کے الزام میں دوپاکستانیوں کو گرفتار کر لیا گیا۔

العربیبہ ڈاٹ نیٹ کے مطابق سعودی عرب کے جنرل ڈائریکٹوریٹ فار نارکوٹکس کنٹرول نے جدہ گورنری میں دو پاکستانی باشندوں کو گرفتار کیا ہے، جن کے قبضے سے 3.35 کلو گرام منشیات امیتھیمفیٹامائن (شبو) ضبط کی گئی ہے۔

اس ضمن میں انسداد منشیات کمیشن نے کہا ہے کہ گرفتار ملزمان کے خلاف مزید قانونی کارروائی کے لیے انہیں پبلک پراسیکیوشن کے حوالے کر دیا گیا ہے۔

خیال رہےسعودی عرب میں منشیات کے دھندے میں ملوث ملزمان کے خلاف سخت قانونی کارروائی عمل میں لائی جاتی ہے۔ پہلی بار اس جرم کے مرتکب کو قید کوڑے اور جرمانہ یا دونوں سزائیں ہوسکتی ہیں

اس کے علاوہ دوبارہ جرم کے ارتکاب پر مجرم کو سخت سزا دی جاتی ہے جس میں سزائے موت بھی ہو سکتی ہے، تاہم سزا کی نوعیت عدالت کی صوابدید پر منحصر ہے۔