پنجاب، ملزم نے ایک گھنٹے میں 3 مقامات پر 5 افراد کو قتل کردیا

پنجاب کے ضلع شیخوپورہ ( Sheikhupura ) میں قتل ( Murder ) کی لرزہ خیز واردات کے دوران قاتل نے مختلف مقامات پر 5 افراد کو موت کی نیند سلا دیا۔

پولیس کے مطابق ملزم نے ایک گھنٹے میں تین مقامات پر پانچ افراد کو قتل کیا۔ ملزم نے پہلے اپنے دو بچوں اور بیوی کو قتل کیا، پھر سالی کو بھی گولی مار دی۔

لاہور: منگیتر کی فائرنگ سے 20 سالہ لڑکی جاں بحق

پولیس کے مطابق ملزم کی شناخت تنویر کے نام سے کی گئی ہے، جو فیکٹری میں ملازم تھا۔ ملزم نے جاتے جاتے فیکٹری مالک پر بھی فائرنگ کی۔

پولیس نے ملزم کو آلہ قتل سمیت گرفتار کرلیا ہے۔ اپنے ابتدائی بیان میں ملزم تنویرکا کہنا ہے کہ فلور مل مالک گالیاں دیتا تھا۔

کراچی میں ڈاکو کی فائرنگ سے ایک شخص بیوی اور بچوں کے سامنے قتل

پہلے ملزم نے جھامکے کے قریب فلور مل مالک کو فائرنگ کر کے قتل کیا، جہاں وہ باورچی کا کام کرتا تھا۔ بعد ازاں وہ گھر آیا اور فائرنگ کرکے اہلیہ اور دو بچوں کو بھی قتل کردیا۔ اس کے بعد ملزم نے مکان مالکن پر بھی فائرنگ کی۔

دوسری جانب نگران وزيراعلیٰ پنجاب محسن نقوی نے پانچ افراد کے قتل کا نوٹس لیتے ہوئے انسپکٹر جنرل پوليس سے رپورٹ طلب کرلی ہے۔