دفعہ 144کانفاذلاہورہائیکورٹ میں چیلنج کرنے کااعلان

لاہورمیں دفعہ 144 (144 section)کی پابندی کے باوجود پی ٹی آئی (PTI)رہنما شاہ محمود قریشی نے پارٹی کارکنوں کو آج زمان پارک پہنچنے کی ہدایت کردی۔

شاہ محمود قریشی نے رات گئے میڈیا سے گفتگو میں بتایا کہ پارٹی اجلاس میں فیصلہ ہوا ہے کہ عمران خان آج ریلی کی قیادت کریں گے۔

انہوں نے دفعہ 144 کے فیصلے کو چیلنج کرنے کا بھی اعلان کیا اورکہا کہ الیکشن کمیشن لاہور سے درخواست کریں گے کہ انتخابات کا اعلان ہوچکا تو ریلی کی پابندی کا کوئی جوازنہیں بنتا۔

شاہ محمود نے کہا کہ پابندی کے خلاف آج چھٹی کے باوجود لاہور ہائی کورٹ بھی جائیں گے۔ ان کا مزید کہنا تھا کہ حکومت انتخابات سے فراراورتصادم چاہتی ہے۔

واضح رہے کہ عمران خان کی جانب سے آج ریلی نکالنےکےاعلان کےبعد پنجاب حکومت نے لاہورمیں دفعہ 144 لگا دی ہے،ریلیاں نکالنے پرپابندی عائد ہوگی۔

نگراں وزیراطلاعات عامرمیرنے کہا ہےکہ لاہورمیں آج پی ایس ایل کا ایک میچ، 40 کلومیٹر کی میراتھن اورسائیکل ریس ہونےجارہی ہے لہذا کسی بھی ناخوشگوارواقعے سے بچنے کے لیے دفعہ 144 لگائی گئی ہے۔