علی امین گنڈا پور اشتہاری قرار

اسلام آباد میں دفعہ ایک سو چوالیس کی خلاف ورزی کے کیس میں عدالت نے آج بروز ہفتہ 11 مارچ کو مسلسل غیرحاضری پر پی ٹی آئی رہنما علی امین گنڈا پور کو اشتہاری قرار دینے کی کارروائی کا آغاز کردیا ہے۔

سول جج رانا مجاہد رحیم نے پاکستان تحریک انصاف ( پی ٹی آئی ) کے رہنماؤں کے خلاف دفعہ ایک سو چوالیس کی خلاف ورزی کے کیس کی سماعت کی۔ اس موقع پر راجہ خرم نواز عدالت میں پیش ہوئے، جب کہ علی نواز اعوان غیر حاضر تھے۔

علی امین گنڈا پور کی اسلحہ کی فراہمی سے متعلق آڈیو

آج ہونے والی سماعت میں علی نواز اعوان کی جانب سے حاضری سے استثنیٰ کی درخواست پیش کی گئی۔ عدالت نے علی نواز اعوان کی آج حاضری سے استثنیٰ کی درخواست منظور کرلی، جب کہ مسلسل غیرحاضری پر علی امین گنڈا پور کو اشتہاری قرار دینے کی کارروائی کا آغاز کردیا گیا۔

سابق وفاقی وزیر علی امین گنڈاپور کے پنجاب داخلے پر پابندی عائد

علی امین گنڈا پور کی درخواست ضمانت بھی خارج کردی گئی۔ کیس کی مزید سماعت بارہ اپریل تک ملتوی کردی گئی۔