تیزی سے پھیلتےاسلامو فوبیا کے وائرس کیخلاف سب کو کردار ادا کرنا ہو گا، بلال بھٹو
وزیر خارجہ بلاول بھٹو زرداری نے کہا ہے کہ اسلام فوبیا کا وائرس تیزی سے پھیل رہا جس سے نمٹنے کے لیے سب کو اپنا کردار ادا کرنا ہو گا۔
اقوام متحدہ میں اسلامو فوبیا سے نمٹنے کے لیے عالمی دن کی یادگاری تقریب سے خطاب کرتے ہوئے بلاول بھٹو نے کہادہشت گردی کا کسی مذہب سے کوئی تعلق نہیں ہے،مسلمانوں کے خلاف منظم انداز میں نفرت پھیلائی جا رہی ہے،اسلاموفوبیا دنیا کا مسئلہ ہے،اسلام امن اور رواداری کا دین ہے،اسلام برداشت، امن اور بقائے باہمی کا مذہب ہے۔
دنیا کو معاشی اور اسلامو فوبیا جیسے خطرات کا سامنا ہے، بلاول بھٹو
ان کا کہنا تھا کہ یہ دن ہماری اس مشترکہ ذمہ داری کی یاد دلاتا ہے کہ جو ہمیں اسلامو فوبیا کے پاگل پن کا مقابلہ کرنے کے اکٹھا ہونے کی تلقین کرتا ہے،اسلام کے خلاف بلاوجہ کا فوبیا ہمارے دور کی ایک افسردہ حقیقت ہے،ہمارے سامنے ایک ایسا چیلنج ہے جس کی جڑیں گہری ہیں۔
انہوں نے کہا کہ نائن الیون کے بعد مسلمانوں کے بارے میں نفرت اور غلط فہمیوں میں اضافہ ہی ہوا ہے،ایک ایسے موقف کو مسلسل ہوا دی جا رہی جس میں مسلمانوں کو تشدد کے ساتھ جوڑا جا رہا ہے۔
بلاول بھٹو نےاس موقع پر جنرل اسمبلی کے صدر کا اس اجلاس میں شریک ہونے پر شکریہ ادا کیا۔
اسلامو فوبیا سے لڑنے کیلئے عالمی اتحاد وقت کی اہم ضرورت ہے، وزیراعظم
یاد رہے کہ گزشتہ سال اقوام متحدہ نے ایک قرارداد میں 15 مارچ کو اسلامی فوبیا کے خلاف عالمی دن قرار دیا تھا،اسلاموفوبیا کے خلاف یہ قرارداد او آئی سی کی جانب سے اقوام متحدہ میں پاکستان کے مستقل نمائندے منیراکرم نے پیش کی تھی۔
