عمران جانے والے کا گریبان اور آنے والے چیف کے پاؤں پکڑتا ہے،مریم نواز
لیگی نائب صدر مریم نواز کا کہنا ہے کہ چیئرمین تحریک انصاف عمران جانے والے کا گریبان اور آنے والے چیف کے پاؤں پکڑتا ہے۔
شیخوپورہ میں مسلم لیگ ن کے تنظیمی کنونشن سے خطاب کے دوران مریم نواز نے کہا کہ جنرل باجوہ کے ریٹائر ہوتے ہی کہتا ہے ان کا کورٹ مارشل کرو مگر جنرل باجوہ کی نوکری تک کہتا تھا کبھی ایساجنرل نہیں آیا۔
مریم نواز نے کہا کہ مسلم لیگ ن کی قیادت کوچن چن کرنشانہ بنایاگیا، نوازشریف کےخلاف سازش کا سب اعتراف کررہے ہیں، عمران خان مکافات عمل کا شکارہے، بیماری کا بہانہ کرناتھا تو عمران خان عزت والی بیماری کا کرتے۔
انہوں نے کہا کہ کل ثاقب نثار نےعمران خان کا صادق وامین کاسرٹیفکیٹ واپس لےلیا، ثاقب نثار کہتا ہےعمران کوصادق وامین کا پوراسرٹیفکیٹ نہیں دیاتھا، کیا صادق وامین کا کوئی آدھا سرٹیفکیٹ بھی ہوتا ہے؟
مریم نواز نے کہا کہ جب سےمقدمات شروع ہوئےعمران خان گھرسے نہیں نکلا، کیاایک بہادرقوم کالیڈرگیڈر ہوسکتاہے؟ نوازشریف نےکارکنوں اورخواتین کواپنی ڈھال نہیں بنایا،کہا چھتوں کے لینٹر کھل جاتے ہیں مگر عمران کی ٹانگ کا پلسترنہیں اُترا۔
چیف آرگنائزرن لیگ کا کہنا تھا کہ قوم کےبچےرل گئے،اس کابیٹالندن میں عیش کررہاہے، کہتا ہے اپنے بچوں کے مستقبل کا خیال ہے انٹرویو کیوں دوں؟ قوم کے بچوں کے مستقبل خیال کیوں نہیں آیا؟
مریم نواز نے کہا کہ 22 کروڑ کروڑعوام کی قسمت منشیات زدہ شخص کے حوالے کیوں کی؟ کروڑوں عوام کی قسمت بدعنوان اور نااہل شخص کے ہاتھکیوں دی؟ ڈیم والے بابابتاؤ!عمران کوالیکشن جیتنےمیں کیسے مدد کی، تمہاری وجہ سے پاکستان کی ترقی ہیک ہوگئی۔
انہوں نے کہا کہ اب پول کھلنے والے ہیں تو کہتاہے واٹس ایپ ہیک ہوگیا، جب واٹس ایپ پرجے آئی ٹی بنی،اس وقت ہیک نہیں ہواتھا، بابازحمت انصاف کی کرسی پربیٹھ کرلوگوں کی پگڑیاں اچھالتاتھا، کل کہہ رہاتھاکچھ لوگوں کاخیال تھانوازشریف کونااہل کرناضروری ہے۔
مریم نواز نے کہا کہ جنرل(ر) فیض حمید جسٹس شوکت عزیزصدیقی کے گھر گیا اور کہا کہ نوازشریف کو ضمانت دی تو2 سالہ محنت ضائع ہوجائے گی، نوازشریف اور اس کی بیٹی کوضمانت نہ دینا۔
ان کا کہنا تھا کہ نوازشریف کیخلاف سازش کرنے والا ذلت اور رسوائی سے نہیں بچا، نوازشریف نے کہا تھا اپنا فیصلہ اللہ تعالیٰ پرچھوڑتاہوں، کوئی رہ تونہیں گیا جس خودنہ کہا ہو نوازشریف کے ساتھ زیادتی ہوئی،مریم نواز کا مزید کہنا تھا کہ جورہ گیا وہ خود سوچ بولے گا کہ نوازشریف کیخلاف سازش کی۔
Nawaz Sharif
IMRAN KHAN
MARYAM NAWAZ
